കൊച്ചി: ബി.പി.എല്‍, എ.എ.വൈ റേഷന്‍ കാര്‍ഡുടമകള്‍ക്കുള്ള സൗജന്യ ഓണക്കിറ്റ് വിതരണം 10 വരെ നീട്ടിയതായി സപ്‌ളൈകോ അറിയിച്ചു. രണ്ടു കിലോ അരി, 200ഗ്രാം മുളക്, 100ഗ്രാം ചായപ്പൊടി എന്നിവയടങ്ങിയ കിറ്റാണ് സപ്‌ളൈകോ വില്‍പനശാലകളില്‍ നിന്ന് സൗജന്യമായി വിതരണം ചെയ്യുന്നത്. സംസ്ഥാനത്തെ 20 ലക്ഷം കുടുംബങ്ങള്‍ക്ക് ഇതിന്റെ പ്രയോജനം ലഭിക്കും. ഇതുവരെ 11 ലക്ഷത്തോളം പേര്‍ ഓണക്കിറ്റ് കൈപ്പറ്റിയിട്ടുണ്ട്. 10,11 തിയതികളില്‍ സപ്‌ളൈകോ വില്‍പനശാലകള്‍ തുറന്നു പ്രവര്‍ത്തിക്കുമെന്നും അറിയിച്ചു.