തിരുവനന്തപുരം: കേരള സര്‍വകലാശാലയിലെ സമരവുമായി ബന്ധപ്പെട്ട് അറസ്റ്റിലായ മൂന്ന് ഗവേഷണ വിദ്യാര്‍ഥികളെ വൈസ് ചാന്‍സലര്‍ സസ്‌പെന്റ് ചെയ്തു. ഗവേഷണ യൂനിയന്‍ ചെയര്‍മാനും സെനറ്റ് അംഗവുമായ മനേഷ്, മുന്‍ യൂനിയന്‍ ചെയര്‍മാനും എസ്.എഫ്.ഐ യൂനിറ്റ് സെക്രട്ടറിയുമായ വി.വി.അജേഷ്, എസ്.എഫ്.ഐ യൂനിറ്റ് കമ്മിറ്റി അംഗവും ഡിപ്പാര്‍ട്ട്‌മെന്റ് യൂനിയന്‍ ജനറല്‍ സെക്രട്ടറിയുമായ എസ്. നജീബ് എന്നിവരെയാണ് സസ്‌പെന്റ് ചെയ്തത്. ഇവരെ ഹോസ്റ്റലില്‍ നിന്ന് ഇറക്കിവിടുകയും മുറി താഴിട്ട് പൂട്ടുകയും ചെയ്തു.