മാനന്തവാടി: പേരിയ ഗവ.യു.പി സ്‌കൂളിന്റെ പ്ലാറ്റിനം ജൂബിലി ആഘോഷ പരിപാടികളുടെ ഉദ്ഘാടനം നാളെ നടക്കുമെന്ന് സംഘാടകര്‍ അറിയിച്ചു. രാവിലെ 10.30ന് മന്ത്രി രാമചന്ദ്രന്‍ കടന്നപ്പള്ളി പരിപാടി ഉദ്ഘാടനം ചെയ്യും. ഒ.ആര്‍ കേളു എം.എല്‍.എ അധ്യക്ഷനാകും. ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി മുഖ്യപ്രഭാഷണം നടത്തും. അധ്യാപകരെ ആദരിക്കല്‍ ബ്ലോക്ക് പഞ്ചായത്ത് പ്രസിഡന്റ് പ്രീതാരാമനും സമ്മാനവിതരണം തവിഞ്ഞാല്‍ പഞ്ചായത്ത് പ്രസിഡന്റ് അനിഷ സുരേന്ദ്രനും നിര്‍വഹിക്കും. ആഘോഷപരിപാടികളുടെ ഭാഗമായി വിളംബര റാലി, പൂര്‍വ അധ്യാപക, വിദ്യാര്‍ഥി സംഗമം, ഓണാഘോഷം, ഓര്‍മമരം നടല്‍, കലാകായിക മത്സരങ്ങള്‍, ഫിലിം ഫെസ്റ്റിവല്‍, കൃഷി വിളവെടുപ്പ്  പരിപാടികളും സംഘടിപ്പിക്കും. വാര്‍ത്താസമ്മേളനത്തില്‍ ബെന്നി ആന്റണി, രമേശന്‍ ഏഴോക്കാരന്‍, റഫീഖ് കൈപ്പാണി, സി. സതീശന്‍ പങ്കെടുത്തു.