ഗൂഡല്ലൂര്‍: മുതുമല കടുവാസംരക്ഷണ കേന്ദ്രത്തിലെ തെപ്പക്കാട് ആന വളര്‍ത്തുകേന്ദ്രത്തിലെ വളര്‍ത്താനകളുടെ തൂക്കം പരിശോധിച്ചു.  തുറപ്പള്ളിയിലാണ് 20 ആനകളുടെ തൂക്കം പരിശോധിച്ചത്. റെയ്ഞ്ചര്‍മാരായ കാന്തന്‍, ജ്ഞാനദാസ്, ഡോ.വിജയരാഘവന്‍ എന്നിവര്‍ പരിപാടിക്ക് നേതൃത്വം നല്‍കി. തൂക്കവും ആരോഗ്യസ്ഥിതിയും അനുസരിച്ച് ആനകളുടെ ഭക്ഷണത്തില്‍ ക്രമീകരണം നടത്തുന്നതിന് വേണ്ടിയാണ് ആനകളെ തൂക്കം കണക്കാക്കുന്നതെന്ന് ഉദ്യോഗസ്ഥര്‍ പറഞ്ഞു.