ബ്രസീലിയ: അട്ടിമറി ഗൂഢാലോചന കേസിൽ മുൻ ബ്രസീൽ പ്രസിഡന്റ് ബോൾസാനാരോ കുറ്റക്കാരൻ എന്ന ബ്രസീൽ സുപ്രീം കോടതി. 2022 ലുല സർക്കാരിനെ അട്ടിമറിക്കാൻ ബോൾസാനാരോ ശ്രമം നടത്തിയെന്നാണ് കേസ്. തെരഞ്ഞെടുപ്പിൽ തോറ്റതിന് പിന്നാലെയാണ് ബോൾസാനാരോ അട്ടിമറി ശ്രമം നടത്തിയത്.

ലുല ഡാ സിൽവയുടെ സർക്കാരിനെതിരെ ഗൂഢാലോചന നടത്തുകയും ക്രിമിനൽ സംഘങ്ങളെ നയിക്കുകയും ചെയ്തു അടക്കം അഞ്ചു കുറ്റങ്ങളാണ് മുൻ ബ്രസീലിയൻ പ്രസിഡണ്ടിനെതിരെ ചുമത്തിയിട്ടുള്ളത് ഈ കുറ്റങ്ങൾ തെളിഞ്ഞു കഴിഞ്ഞാൽ 40 വർഷത്തിലധികം തടവു ലഭിക്കാൻ സാധ്യതയുണ്ട്.  സുപ്രീംകോടതിയുടെ ഈ വിധി രാഷ്ട്രീയപ്രേരിതമാണെന്നാണ് ബോൾസാനാരോ ഉന്നയിക്കുന്നത്. ബ്രസീൽ സുപ്രീം കോടതി വ്യാഴാഴ്ചയാണ് ഈ നിർണായകമായ വിധി പ്രസ്താവിച്ചത്. സുപ്രീംകോടതിയുടെ ഈ വിധി ആശ്ചര്യപ്പെടുത്തുന്നതെന്നാണ് യുഎസ് പ്രസിഡന്റ് ഡൊണാൾഡ് ട്രംപ് വ്യക്തമാക്കിയത്.