കൊല്ലം: കൊല്ലം ഏരൂരില്‍ നാലര വയസുകാരനെ അങ്കണവാടി ടീച്ചര്‍ ക്രൂരമായി ഉപദ്രവിച്ചെന്ന് പരാതി. രണ്ട് കാലിലെയും തുടയില്‍ രക്തം കട്ടപിടിക്കും വിധം അധ്യാപിക നുള്ളിയെന്നാണ് പരാതിയില്‍ പറയുന്നത്.  ചൊവ്വാഴ്ച വൈകിട്ട് കുട്ടിയെ കുളിപ്പിക്കാനായി വസ്ത്രം മാറ്റിയപ്പോഴാണ് അമ്മ കുട്ടിയുടെ തുടകളില്‍ പാട് കണ്ടത്. തുടര്‍ന്ന് ചോദിച്ചപ്പോഴാണ് അധ്യാപിക ഉപദ്രവിച്ച വിവരം കുട്ടി പറയുന്നത്. 

പൊലിസില്‍ പരാതി നല്‍കിയതോടെയാണ് വിവരം പുറത്തറിഞ്ഞത്. അധ്യാപികയെ ഏഴ് ദിവസത്തേക്ക് ജോലിയില്‍ നിന്ന് മാറ്റിനിര്‍ത്തിയിട്ടുണ്ട്. വകുപ്പുതല നടപടിയും സ്വീകരിച്ചിട്ടുണ്ട്. 

സംഭവം അറിഞ്ഞയുടനെ കുട്ടിയുടെ രക്ഷിതാക്കള്‍ പഞ്ചായത്ത് അധികൃതരെ വിവരം അറിയിച്ചിരുന്നു. പിന്നാലെയാണ് പൊലിസില്‍ പരാതി നല്‍കിയത്. കുട്ടിയെ ഉപദ്രവിച്ച ടീച്ചറോട് സംസാരിച്ചപ്പോള്‍ തന്നോട് ക്ഷമിക്കണമെന്നാണ് ടീച്ചര്‍ രക്ഷിതാക്കളോട് പറഞ്ഞത്.