ഏഷ്യ കപ്പിൽ കഴിഞ്ഞദിവസം നടന്ന മത്സരത്തിൽ ബംഗ്ലാദേശിനെതിരെ ആറ് വിക്കറ്റുകളുടെ തകർപ്പൻ വിജയമാണ് ശ്രീലങ്ക സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത ബംഗ്ലാദേശ് നിശ്ചിത ഓവറിൽ അഞ്ച് വിക്കറ്റ് നഷ്ടത്തിൽ 139 റൺസ് ആണ് നേടിയത്. മറുപടി ബാറ്റിംഗിനിറങ്ങിയ ശ്രീലങ്ക 14.4 ഓവറിൽ ആറ് വിക്കറ്റുകൾ ബാക്കിനിൽക്കെ ലക്ഷ്യം മറികടക്കുകയായിരുന്നു. 

ഈ വിജയത്തോടെ ഏഷ്യാ കപ്പ് ടൂർണമെന്റുകളിൽ ഏറ്റവും കൂടുതൽ മത്സരങ്ങൾ വിജയിക്കുന്ന ടീം എന്ന റെക്കോർഡും ശ്രീലങ്ക സ്വന്തമാക്കി. 66 മത്സരങ്ങളിൽ നിന്നും 45 വിജയങ്ങളാണ് ശ്രീലങ്ക ഇതുവരെ ഏഷ്യ കപ്പിൽ നേടിയിട്ടുള്ളത്. ഏഷ്യ കപ്പിൽ 64 മത്സരങ്ങളിൽ നിന്നും 44 വിജയങ്ങൾ സ്വന്തമാക്കിയ ഇന്ത്യയെ മറികടന്നു കൊണ്ടാണ് ശ്രീലങ്കയുടെ മുന്നേറ്റം. 34 വിജയങ്ങളുമായി പാകിസ്താനാണ് പട്ടികയിൽ മൂന്നാം സ്ഥാനത്ത് ഉള്ളത്.

മത്സരത്തിൽ ശ്രീലങ്കയ്ക്കായി പാത്തും നിസങ്ക അർദ്ധ സെഞ്ച്വറി നേടി തിളങ്ങി. 34 പന്തിൽ ആറ് ഫോറുകളും ഒരു സിക്സും അടക്കം 50 റൺസ് ആണ് താരം സ്വന്തമാക്കിയത്. 32 പന്തിൽ പുറത്താവാതെ 46 നേടിയ കാമിൽ നിഷാരയും ടീമിന്റെ വിജയത്തിൽ നിർണായകമായി. നാലു ഫോറുകളും രണ്ടു സിക്സുകളും അടങ്ങുന്നതായിരുന്നു താരത്തിന്റെ പ്രകടനം. 

ശ്രീലങ്കയുടെ ബൗളിങ്ങിൽ വനിന്ദു ഹസരംഗ ഇരട്ട വിക്കറ്റുകൾ നേടിയും ദുശ്മന്ത് ചമീര, നുവാൻ തുഷാര എന്നിവർ ഓരോ വിക്കറ്റുകളും സ്വന്തമാക്കി.

Sri Lanka registered a convincing six-wicket victory over Bangladesh in the Asia Cup match held yesterday. With this victory, Sri Lanka also holds the record for the team with the most wins in Asia Cup tournaments. Sri Lanka has won 45 out of 66 matches in the Asia Cup so far.