പറളി: ആറുപുഴ-അടയാളപാറ റോഡിന് ജില്ലാ പഞ്ചായത്ത് ഫണ്ട് അനുവദിച്ചിട്ടും പണി നടന്നില്ല. കരാറുകാരന്റെ അനാസ്ഥയാണ് റോഡ് പണിക്കു തടസമായതെന്നു പഞ്ചായത്ത് അധികൃതര്‍. ജില്ലാ പഞ്ചായത്ത് റോഡിന് പത്ത് ലക്ഷം രൂപ ഫണ്ട് അനുവദിച്ചിട്ട് ഒരു വര്‍ഷമായി. ആറുമാസത്തിലേറെയായി പണി തുടങ്ങിവച്ചിട്ട്. എന്നാല്‍ തുടങ്ങിയ നിലയില്‍ തന്നെയാണ് ഇപ്പോഴും. പാതയുടെ ശോചനീയാവസ്ഥ റൂട്ടില്‍ യാത്രാ ക്ലേശം രൂക്ഷമാണ്. ഇരുചക്ര വാഹനങ്ങളില്‍ പോലും ഇപ്പോള്‍ യാത്ര ചെയ്യാന്‍ കഴിയില്ല. മെറ്റല്‍ കഴിഞ്ഞ് വര്‍ഷങ്ങള്‍ പിന്നിട്ട റോഡില്‍ റിമെറ്റലിങ് നടത്താനാണ് തുക വകയിരുത്തിയിട്ടുള്ളത്. നിലവിലുണ്ടായിരുന്ന മെറ്റല്‍ റോഡു പണിയുടെ ഭാഗമായി ഇളക്കിയിട്ടതോടെ യാത്ര ദുരിതമായി.