ലുധിയാന: 75 കാരനെ വിവാഹം കഴിക്കാനായി പഞ്ചാബിലെത്തിയ 71 വയസ്സുള്ള യുഎസ് പൗരയെ ക്രൂരമായി കൊലപ്പെടുത്തി മൃതദേഹം കത്തിച്ച് അഴുക്കുചാലിൽ തള്ളി. ജൂലൈയിലാണ് സംഭവം നടന്നതെങ്കിലും ഇപ്പോഴാണ് സംഭവം പുറത്തറിയുന്നത്. യുഎസ് പൗരയായ രൂപീന്ദർ കൗറിനെയാണ് 75-കാരനായ പ്രതിശ്രുത വരൻ ചരൺജിത് സിംഗ് ഗ്രെവാൾ വാടക കൊലയാളിയെ ഉപയോഗിച്ച് ക്രൂരമായി കൊലപ്പെടുത്തിയത്.

ALSO READ: ട്രെയിനിലെ വിദ്വേഷക്കൊല: ചേതൻ സിൻഹിനെതിരേ ഗുരുതര വെളിപ്പെടുത്തൽ; തോക്ക് ചൂണ്ടി 'ജയ് മാതാ ദി' വിളിപ്പിച്ചെന്ന് യുവതിയുടെ പരാതി 

ക്രൂരമായ കൊലപാതകം

ജൂലൈ 12-ന് വാടക കൊലയാളിയായ സുഖ്ജിത് സിംഗ് എന്ന സോനു, രൂപീന്ദറിനെ ബേസ്ബോൾ ബാറ്റ് ഉപയോഗിച്ച് അടിച്ചുകൊന്നു. തുടർന്ന് മൃതദേഹം കൽക്കരി ഉപയോഗിച്ച് കത്തിക്കുകയും അവശിഷ്ടങ്ങൾ ചാക്കിലാക്കി ലുധിയാനയുടെ പ്രാന്തപ്രദേശത്തുള്ള ഒരു അഴുക്കുചാലിൽ തള്ളുകയും ചെയ്യുകയായിരുന്നു. മൃതദേഹം പൂർണമായി കത്തിക്കാൻ രണ്ടോ മൂന്നോ ദിവസമെടുത്തതായി പൊലിസ് വ്യക്തമാക്കി. തെളിവ് നശിപ്പിക്കാൻ സോനു രൂപീന്ദറിന്റെ മൊബൈൽ ഫോൺ ചുറ്റിക ഉപയോഗിച്ച് തകർക്കുകയും ചെയ്തിരുന്നു.

രൂപീന്ദറിനെ കൊല്ലാൻ സഹായിച്ചാൽ 50 ലക്ഷം രൂപ നൽകാമെന്ന് ഗ്രെവാൾ വാഗ്ദാനം ചെയ്തതായി സോനു വെളിപ്പെടുത്തി. ഈ വാഗ്ദാനം സ്വീകരിച്ചാണ് താൻ കൊലപാതകത്തിന് കൂട്ടുനിന്നതെന്ന് സോനു സമ്മതിച്ചു. ഗ്രെവാളിന്റെ വീട്ടിലെ സ്റ്റോർ റൂമിൽ വെച്ചാണ് സോനു രൂപീന്ദറിനെ കൊലപ്പെടുത്തിയത്. മൃതദേഹം ഡീസൽ ഒഴിച്ച് കത്തിച്ച ശേഷം, വെള്ളം ഒഴിച്ച് തണുപ്പിച്ച്, ലെഹ്‌റ ഗ്രാമത്തിനടുത്തുള്ള അഴുക്കുചാലിൽ വലിച്ചെറിയുകയായിരുന്നു.

ALSO READ: ടീച്ചര്‍ ബാഗ് കൊണ്ട് തലയ്ക്കടിച്ചു; ആറാം ക്ലാസുകാരിയുടെ തലയോട്ടിയില്‍ പൊട്ടല്‍ - പരാതി നല്‍കി മാതാപിതാക്കള്‍ 

അന്വേഷണത്തിൽ, ഗ്രെവാളിന്റെയും അദ്ദേഹത്തിന്റെ സഹോദരന്റെയും ബാങ്ക് അക്കൗണ്ടുകളിലേക്ക് രൂപീന്ദർ കൗർ വലിയ തുകകൾ ട്രാൻസ്ഫർ ചെയ്തതായി പൊലിസ് കണ്ടെത്തി. വിവാഹച്ചെലവിനുള്ള പണമായാണ് ഈ തുക നൽകിയതെന്നാണ് നിഗമനം. സാമ്പത്തിക നേട്ടത്തിനായാണ് പ്രതികൾ ക്രൂര കൊലപാതകം ആസൂത്രണം ചെയ്തതെന്ന് പൊലിസ് വ്യക്തമാക്കി. 

ചരൺജിത് ഗ്രെവാളിനെ പ്രതിയാക്കി പൊലിസ് കേസെടുത്തിട്ടുണ്ട്. "ഇത് വെറുമൊരു കൊലപാതകമല്ല, വിശ്വാസത്തിനും മനുഷ്യത്വത്തിനും എതിരായ ഭയാനകമായ വഞ്ചനയാണ്," കേസ് അന്വേഷിക്കുന്ന എസിപി ഗിൽ പറഞ്ഞു.

A 71-year-old US woman, who traveled to India to marry a 75-year-old man, was brutally murdered in Ludhiana, Punjab. The victim, Rupinder Kaur, was killed by a hired hitman, and her body was burned and dumped in a drain. Learn more about this shocking crime and the ongoing investigation.