മണ്ണാര്‍ക്കാട്: തെങ്കരയിലെ വാളക്കരയില്‍ ചൊവ്വാഴ്ച അര്‍ധരാത്രി കാട്ടാനകള്‍ വ്യാപകമായി കൃഷി നശിപ്പിച്ചു. വാഴ, കവുങ്ങ്, തെങ്ങ് എന്നീ കൃഷികളാണ് വ്യാപകമായി നശിപ്പിച്ചത്. വാളക്കര സ്വദേശികളായ വീരാന്‍കുട്ടി, മുഹമ്മദ് കുട്ടി, കലാം, രാജന്‍, ഉണ്ണി തുടങ്ങിയവരുടെ കൃഷികളാണ് നശിപ്പിക്കപ്പെട്ടത്. രാത്രികാലങ്ങളില്‍ കാട്ടാനശല്യം മൂലം ആളുകള്‍ പുറത്തിറങ്ങാന്‍ ഭയപ്പെടുകയാണ്.