തിരുവനന്തപുരം: സമഗ്ര വോട്ടർ പട്ടിക പരിഷ്കരണം നടപ്പാക്കുന്നതിന് വേണ്ടിയുള്ള നടപടികൾ ചർച്ച ചെയ്യാനുള്ള മുഖ്യ തിരഞ്ഞെടുപ്പ് ഓഫീസർ വിളിച്ച രാഷ്ട്രീയ പാർട്ടികളുടെ യോഗം ഇന്ന്. രാവിലെ 11 മണിക്ക് മാസ്കറ്റ് ഹോട്ടലിലാണ് യോഗം നടക്കുന്നത്. പ്രധാനപ്പെട്ട രാഷ്ട്രീയ പാർട്ടികളുടെ പ്രതിനിധികൾ യോഗത്തിൽ പങ്കെടുത്തുകൊണ്ട് തങ്ങളുടെ നിലപാട് വ്യക്തമാക്കും.

സമഗ്ര വോട്ടർപട്ടിക പരിഷ്കരണത്തിനെതിരെ യുഡിഎഫും എൽഡിഎഫും ചേർന്ന് നിയമസഭയിൽ പ്രമേയം പാസാക്കാൻ തീരുമാനിച്ചിരിക്കുന്നതിനിടയിലാണ് ഈ യോഗം നടക്കുന്നത്. ബിജെപി പരിഷ്കരണത്തെ പിന്തുണച്ചു കൊണ്ടുള്ള നടപടിയാണ് സ്വീകരിച്ചിട്ടുള്ളത്. 

യോഗത്തിൽ സമഗ്ര വോട്ടർപട്ടിക പരിഷ്കരണത്തിനായുള്ള നടപടിക്രമങ്ങൾ മുഖ്യ തെരഞ്ഞെടുപ്പ് ഓഫീസർ ഡോ. രത്താൻ യു കേൽക്കർ വിശദീകരിക്കും.  2002ലെ പട്ടികയാണ് പരിഷ്കരണത്തിന് ആധാരമാക്കിയിട്ടുള്ളത്. പരിഷ്കരണ നടപടികളിൽ നിന്നും കമ്മീഷൻ പിന്മാറില്ലെന്നതിനാൽ വോട്ട് ഉറപ്പിക്കാൻ ജാഗ്രതയോടെ സമീപിക്കാനാകും എതിർക്കുന്ന പാർട്ടികളുടെ നീക്കം.