ദുബൈ: ഏഷ്യ കപ്പിലെ സൂപ്പർ ഫോറിൽ പാകിസ്താനെതിരെ ഇന്ത്യക്ക് ബൗളിംഗ്. ടോസ് നേടിയ ഇന്ത്യൻ നായകൻ സൂര്യകുമാർ യാദവ് എതിരാളികളെ ബാറ്റിങ്ങിനയച്ചു. ഒമാനെതിരായ മത്സരത്തിൽ പുറത്തിരുന്ന ജസ്പ്രിത് ബുംറയും വരുൺ ചക്രവർത്തിയും ടീമിൽ തിരിച്ചെത്തി. കഴിഞ്ഞ മത്സരത്തിൽ കളത്തിൽ ഇറങ്ങിയ അർഷദീപ് സിങ്, ഹർഷിദ് റാണ എന്നിവർക്ക് പകരമാണ് ഇരുവരും ടീമിൽ ഇടം നേടിയത്. 

ഇന്ത്യ പ്ലെയിങ് ഇലവൻ

അഭിഷേക് ശർമ്മ, ശുഭ്മാൻ ഗിൽ, സഞ്ജു സാംസൺ(വിക്കറ്റ് കീപ്പർ), സൂര്യകുമാർ യാദവ്(ക്യാപ്റ്റൻ), തിലക് വർമ്മ, ശിവം ദുബെ, ഹാർദിക് പാണ്ഡ്യ, അക്സർ പട്ടേൽ, ജസ്പ്രീത് ബുംറ, കുൽദീപ് യാദവ്, വരുൺ ചക്രവർത്തി

പാകിസ്താൻ പ്ലെയിങ് ഇലവൻ

സയിം അയൂബ്, സാഹിബ്സാദ ഫർഹാൻ, ഫഖർ സമാൻ, സൽമാൻ ആഘ(ക്യാപ്റ്റൻ), ഹുസൈൻ തലാത്, മുഹമ്മദ് ഹാരിസ്(വിക്കറ്റ് കീപ്പർ), മുഹമ്മദ് നവാസ്, ഫഹീം അഷ്റഫ്, ഷഹീൻ അഫ്രീദി, ഹാരിസ് റൗഫ്, അബ്രാർ അഹമ്മദ്

ഇരു ടീമുകളും ഇതിനു മുമ്പ് ഗ്രൂപ്പ് ഘട്ടത്തിൽ ഏറ്റുമുട്ടിയപ്പോൾ വിജയം ഇന്ത്യക്കൊപ്പമായിരുന്നു. ഈ വിജയം ആവർത്തിക്കാനായിരിക്കും സൂര്യകുമാർ യാദവും സംഘവും ലക്ഷ്യം വെക്കുക. ഗ്രൂപ്പ് ഘട്ടത്തിൽ കളിച്ച മൂന്ന് മത്സരങ്ങളും വിജയിച്ചാണ് ഇന്ത്യ സൂപ്പർ ഫോറിലേക്ക് മുന്നേറിയത്. അതേസമയം ഇന്ത്യയോട് പരാജയപ്പെട്ടെങ്കിലും ഒമാനെയും യുഎഇയെയും വീഴ്ത്തിയാണ് പാകിസ്താൻ സൂപ്പർ ഫോർ യോഗ്യത ഉറപ്പാക്കിയത്.

India bowl out against Pakistan in the Super Four of the Asia Cup. Indian captain Suryakumar Yadav won the toss and sent his opponents to bat. Jasprit Bumrah and Varun Chakravarthy, who were out of the match against Oman, returned to the team.