കൊയിലാണ്ടി: നഗരത്തിലെ കണ്‍സ്യൂമര്‍ ഫെഡിന്റെ വിദേശമദ്യ ഷാപ്പില്‍ മോഷണം. ഇന്നലെ രാവിലെ ജീവനക്കാര്‍ കട തുറക്കാനെത്തിയപ്പോഴാണു മോഷണവിവരം അറിയുന്നത്.
സ്ഥാപനത്തിന്റെ ജനല്‍ കുത്തിത്തുറന്നാണു മോഷ്ടാക്കള്‍ അകത്തുകടന്നത്. അകത്തു മുളകുപൊടി വിതറിയ നിലയിലായിരുന്നു. ജീവനക്കാര്‍ പൊലിസില്‍ വിവരം അറിയിച്ചതിനെ തുടര്‍ന്ന് കൊയിലാണ്ടി പൊലിസെത്തി പരിശോധന നടത്തി. കഴിഞ്ഞ ദിവസം നഗരത്തിന്റെ വിവിധ ഭാഗങ്ങളില്‍ പൊലിസ് സ്ഥാപിച്ച സി.സി.ടി.വി കാമറയില്‍ പ്രതികളുടെ ചിത്രം പതിഞ്ഞിട്ടുണ്ടോയെന്ന് പൊലിസ് പരിശോധിച്ചുവരികയാണ്.
എസ്.ഐ മോഹന്‍ദാസ്, എ.എസ്.ഐ ജയദാസന്‍ എന്നിവരുടെ നേതൃത്വത്തിലുള്ള സംഘമാണു പരിശോധന നടത്തിയത്. വിരലടയാള വിദഗ്ധരും ഡോഗ് സ്‌ക്വാഡും സ്ഥലത്തെത്തി പരിശോധന നടത്തി.