മുംബൈ: മെഡിക്കല്‍ പ്രവേശന പരീക്ഷയില്‍ 99.99 ശതമാനം മാര്‍ക്കു വാങ്ങിയ 19കാരന്‍ തനിക്ക് ഡോക്ടറാവാന്‍ താല്‍പര്യമില്ലെന്ന് കുറിപ്പെഴുതിവച്ച് ജീവനൊടുക്കി. മഹാരാഷ്ട്രയിലെ ചന്ദ്രപുറിലാണ് സംഭവം. അനുരാഗ് അനില്‍ ബൊര്‍കാര്‍ എന്ന 19കാരനാണ് വീടിനുള്ളില്‍ തൂങ്ങിമരിച്ചത്.

തനിക്ക് ഡോക്ടറാവാന്‍ ഇഷ്ടമില്ലെന്ന് സമ്മര്‍ദ്ദം സഹിക്കാന്‍ വയ്യെന്നുമാണ് ആത്മഹത്യാകുറിപ്പില്‍ പറയുന്നത്. 

ഓള്‍ ഇന്ത്യ തലത്തില്‍ 1475 -ാം റാങ്കുകാരനായിരുന്ന അനുരാഗിന് എം.ബി.ബി.എസിന് ഘൊരഖ്പുറില്‍ അഡ്മിഷനും ലഭിച്ചിരുന്നു. ക്ലാസ് തുടങ്ങാനിരിക്കെ, ഘൊരഖ്പുറിലേക്ക് പോകാനിരിക്കെയാണ് വീട്ടിലെ കിടപ്പുമുറിയില്‍ കുട്ടി തൂങ്ങി മരിച്ചത്. 

സംഭവത്തില്‍ പൊലിസ് കേസ് റജിസ്റ്റര്‍ ചെയ്ത് അന്വേഷണം തുടങ്ങി.