ചെന്നൈ: കൈയിൽ പച്ചകുത്തിയതിന്റെ പേരിൽ സൈന്യത്തിൽ ചേരാനുള്ള അവസരം നഷ്ടപ്പെട്ടതിന്റെ മനോവിഷമത്തിൽ 17കാരൻ ജീവനൊടുക്കി. മധുര തത്തനേരി സ്വദേശിയായ ബാലമുരുകന്റെ മകൻ യോഗാ സുധീഷാണ് വീട്ടിൽ ആരുമില്ലാതിരുന്ന സമയത്ത് തൂങ്ങി മരിച്ചത്. മധുരയിലെ ഒരു സ്വകാര്യ കോളേജിൽ ഒന്നാം വർഷ ബിരുദ വിദ്യാർഥിയായിരുന്നു.

ALSO READ: രാഹുല്‍ മാങ്കൂട്ടത്തില്‍ എം.എല്‍.എ ഓഫിസില്‍; വാഹനത്തില്‍ നിന്നും എം.എല്‍.എ ബോര്‍ഡ് നീക്കി

അടുത്തിടെ ഈറോഡിൽ നടന്ന ആർമി റിക്രൂട്ട്മെന്റ് ക്യാമ്പിൽ പങ്കെടുത്തപ്പോൾ, കയ്യിലെ പച്ചകുത്തിയത് കാരണം യോ​ഗാ സുധീഷിന് അവസരം നിഷേധിക്കപ്പെട്ടു. കുട്ടിക്കാലം മുതൽ തന്നെ സൈന്യത്തിൽ ചേരണമെന്ന് ആഗ്രഹിച്ചിരുന്ന യോ​ഗാ സുധീഷ് ശാരീരിക ക്ഷമതാ പരീക്ഷയിൽ വിജയിക്കാൻ കുറച്ചു കാലമായി കഠിനമായ പരിശീലനം നടത്തിവരികയായിരുന്നു.

ഈ സംഭവത്തെ തുടർന്ന് മാനസിക സമ്മർദ്ദത്തിലായിരുന്ന യോഗാ സുധീഷ്, കഴിഞ്ഞ ദിവസം വീട്ടിൽ ആരുമില്ലാതിരുന്ന സമയത്ത് തൂങ്ങി മരിക്കുകയായിരുന്നു. സംഭവത്തിൽ കേസ് രജിസ്റ്റർ ചെയ്ത സെല്ലൂർ പൊലിസ് അന്വേഷണം ആരംഭിച്ചിട്ടുണ്ട്.