കോഴിക്കോട്: ടിപ്പര്‍ ലോറി എര്‍ത്ത് മൂവിങ് എക്യുപ്‌മെന്റ് ഓണേഴ്‌സ് ആന്‍ഡ് ഓപറേറ്റേഴ്‌സ് വെല്‍ഫെയര്‍ അസോസിയേഷന്‍ ജില്ലാ കമ്മിറ്റി 19 മുതല്‍ അനിശ്ചിതകാല സത്യഗ്രഹ സമരം നടത്തുമെന്ന് ഭാരവാഹികള്‍ അറിയിച്ചു. 19ന് രാവിലെ പത്തിനു കലക്ടറേറ്റിന് മുന്നില്‍ അനിശ്ചിതകാല സത്യഗ്രഹസമരം ആരംഭിക്കും.
റവന്യൂ, പൊലിസ്, ആര്‍.ടി.എ അധികാരികളുടെ നയസമീപനം കാരണം തൊഴിലെടുത്ത് ജീവിക്കാന്‍ കഴിയാത്ത സഹചര്യത്തിലാണ് സമരത്തിനിറങ്ങുന്നതെന്ന് ഭാരവാഹികള്‍ വ്യക്തമാക്കി. വാര്‍ത്താസമ്മേളനത്തില്‍ ജില്ലാ പ്രസിഡന്റ് എം.കെ പ്രഭാകരന്‍, എന്‍. ബിജു, സി.കെ കൃഷ്ണന്‍, കേളോത്ത് മമ്മു, എം.സി സൈനുദ്ദീന്‍ പങ്കെടുത്തു.