കുട്ടികള്‍ക്കും വലിയവര്‍ക്കുമൊക്കെ എളുപ്പത്തില്‍ ഉണ്ടാക്കാവുന്നതും കഴിക്കാവുന്നതുമായ സിംപിള്‍ റെസിപ്പിയാണിത്. സ്‌കൂള്‍ വിട്ടു വന്നാല്‍ കുട്ടികള്‍ക്കു കൊടുക്കാനായി മറ്റൊന്നും തിരഞ്ഞു നടക്കുകയും വേണ്ട. ഹെല്‍തിയായ ഈ റാഗി സ്‌നാക്‌സ് കൊടുക്കൂ...

ചേരുവ

റാഗി - 1 കപ്പ്
പഴം -2
ശര്‍ക്കര- അര കപ്പ്

ഏലയ്ക്കാ - കാല്‍ ടീസ്പൂണ്‍
നെയ്യ് - രണ്ടര സ്പൂണ്‍

തയാറാക്കുന്ന വിധം

റാഗി കുതിര്‍ത്തു വച്ച ശേഷം മിക്‌സിയില്‍ അരച്ചെടുക്കുക. ഇത് പാത്രത്തിലേക്ക് അരിച്ചെടുക്കുക. വീണ്ടും കാല്‍ കപ്പ് വെള്ളമൊഴിച്ചു ഒന്നുകൂടെ അരച്ചെടുക്കുക. അല്ലെങ്കില്‍ പൊടി എടുക്കുക. മിക്‌സിയിയുടെ ജാറിലേക്ക് രണ്ടു പഴം മുറി ച്ചെടുത്ത് അടിച്ചെടുക്കുക. ഇതിലേക്ക് ശര്‍ക്കര ഉരുക്കിയതും ഒഴിച്ചു വേണം അരയ്ക്കാന്‍. കാല്‍ കപ്പ് അരിപ്പൊടി കൂടെ ചേര്‍ക്കുക. വറുത്ത പൊടിയാണ് വേണ്ടത്. 

 ALSO READ: 2 പഴവും ക്യാരറ്റുമുണ്ടോ.... എളുപ്പത്തില്‍ തയാറാക്കാം അടിപൊളി സ്‌നാക്‌സ്

ഇതിലേക്ക് രണ്ടര സ്പൂണ്‍ നെയ്യ് ഒഴിക്കുക. ഇവയെല്ലാം ഒരു സ്പൂണ്‍ വച്ച്  നന്നായി ഇളക്കുക. ഇത്തിരി ഉപ്പും ഏലയ്്ക്കാ പൊടിയും ചേര്‍ത്തു കൊടുക്കുക. ഇനി ഏത് പാത്രത്തിലാണോ വയ്ക്കുന്നത് അവയില്‍  കുറച്ച് നെയ്യ് പുരട്ടി അതിലേക്കൊഴിച്ചു കൊടുക്കുക. അര മണിക്കൂര്‍ വേവിക്കുക. ആവി ചെമ്പിലാണ് വേവിക്കേണ്ടത്. അടിപൊളി രുചിയുള്ള റാഗി ബനാന് സ്‌നാക്‌സ് റെഡി. 

Looking for a healthy and tasty snack? This easy ragi (finger millet) and banana cake is perfect for both kids and adults. Made with simple, wholesome ingredients, it’s soft, delicious, and ideal as an after-school treat. No refined sugar, no fuss — just a nutritious homemade snack that supports better eating habits without compromising on flavor.