കൊച്ചി: എറണാകുളം കാലടി മാണിക്കമംഗലത്ത് 45 കിലോ കഞ്ചാവ് പിടികൂടി. സംഭവത്തിൽ ബംഗാൾ സ്വദേശികളായ മൂന്ന് ആളുകളെ പൊലിസ് അറസ്റ്റ് ചെയ്തു. കാറിലൂടെ ആയിരുന്നു ഇവർ കഞ്ചാവ് കടത്തിയിരുന്നത്. ഡോക്ടർമാരുടെ വാഹനങ്ങളിൽ പതിക്കാറുള്ള സ്റ്റിക്കർ പതിച്ചായിരുന്നു ഇവർ കഞ്ചാവ് കടത്തിയത്. കാറിന്റെ സീറ്റിന്റെ അടിയിൽ ഒളിപ്പിച്ച നിലയിലായിരുന്നു കഞ്ചാവ് ഉണ്ടായിരുന്നത്. ഒഡീഷയിൽ നിന്നും വാടകയ്ക്ക് എടുത്തായിരുന്നു ഇവർ കാർ കൊണ്ടുവന്നത്. 

റെയിൽവേ സ്റ്റേഷനുകളിലും ട്രെയിനുകളിലും ലഹരി പരിശോധന ശക്തമായതിന് പിന്നാലെ ലഹരി സംഘം ഇപ്പോൾ കാറുകളിലൂടെ വ്യാപകമായി കഞ്ചാവ് കൊണ്ടുവരുന്നുവെന്നാണ് പൊലിസ് വ്യക്തമാക്കിയത്. സമീപ ദിവസങ്ങളിൽ പെരുമ്പാവൂരിൽ നിന്നും ഇത്തരത്തിൽ ലഹരി കടത്തിയ ഒന്നിലേറെ സംഘങ്ങൾ പിടിയിലായിരുന്നു.