കൊച്ചി: കൊച്ചി കോർപ്പറേഷൻ നിർമിച്ച തുരുത്തി ഇരട്ട ഫ്ലാറ്റ് സമുച്ചയത്തിന്റെ അം​ഗീകാരത്തെ ചൊല്ലി യുഡിഎഫും എൽഡിഎഫും തമ്മിലുള്ള തർക്കം രൂക്ഷമാവുന്നു. പദ്ധതിയുടെ തുടക്കം മുതൽ നടപടിക്രമങ്ങൾ മുന്നോട്ടുകൊണ്ടുപോയത് യുഡിഎഫ് ആണെന്ന് മുൻ മേയർമാരായ ടോണി ചമ്മണി, സൗമിനി ജെയിൻ എന്നിവർ ആരോപിച്ചു. അതേസമയം, സിപിഎം പദ്ധതിക്കെതിരെ കൗൺസിൽ യോഗങ്ങളിൽ ശക്തമായ ആരോപണങ്ങൾ ഉന്നയിച്ചിരുന്നതായും അവർ ചൂണ്ടിക്കാട്ടി.

ALSO READ: സംസ്ഥാന സ്കൂൾ കലോത്സവം: എ ഗ്രേഡ് നേടുന്നവർക്ക് 1000 രൂപ ഗ്രാൻഡ്; വിദ്യാഭ്യാസ മന്ത്രി വി. ശിവൻകുട്ടി

തുരുത്തി കോളനിയിലെ 394 കുടുംബങ്ങളെ പുനരധിവസിപ്പിക്കുന്നതിനുള്ളതാണ് രാജീവ് അവാസ് യോജനയുടെ ഭാഗമായി നിർമിച്ച ഈ ഫ്ലാറ്റ് സമുച്ചയം. മുഖ്യമന്ത്രി പിണറായി വിജയൻ ഉദ്ഘാടനം നിർവഹിച്ച ഈ പദ്ധതിയുടെ അം​ഗീകാരം യുഡിഎഫിനാണെന്നാണ് കോൺഗ്രസിന്റെ നിലപാട്. "പദ്ധതി തുടക്കം കുറിച്ചത് യുഡിഎഫ് ആണ്. എല്ലാ നടപടിക്രമങ്ങളും മുന്നോട്ടുകൊണ്ടുപോയത് ഞങ്ങളാണ്. അതിനെതിരെ കൗൺസിൽ യോഗത്തിൽ വലിയ ആരോപണങ്ങൾ ഉന്നയിച്ചത് സിപിഎമ്മാണ്," എന്ന് മുൻ മേയർമാരായ ടോണി ചമ്മണി, സൗമിനി ജെയിൻ എന്നിവർ പ്രതികരിച്ചു.

ALSO READ: ഓപ്പറേഷൻ നുംഖോർ: ദുൽഖർ ‌സൽമാന്റെ നിസാൻ പട്രോൾ പിടിച്ചെടുത്ത് കസ്റ്റംസ്; വിശദീകരണം തേടി നടൻ ഹൈക്കോടതിയിൽ

സിപിഎം നേതാക്കൾ പദ്ധതി ഇല്ലാതാക്കാൻ ബോധപൂർവം ശ്രമിച്ചുവെന്നും, മേയർ സൗമിനി ജെയിനെതിരെ അവിശ്വാസ പ്രമേയം വരെ കൊണ്ടുവന്നുവെന്നും അവർ ആരോപിച്ചു. "ജവഹർലാൽ നെഹ്‌റു സ്റ്റേഡിയത്തിന്റെ ക്രെഡിറ്റ് പോലും അടിച്ചുമാറ്റാൻ ശ്രമിച്ചവരാണ് സിപിഎമ്മുകാർ. മന്ത്രി എം.ബി. രാജേഷും മേയറും കെട്ടിടത്തെക്കുറിച്ച് വാതോരാതെ സംസാരിക്കുകയാണ്," എന്ന് സൗമിനി ജെയിൻ പറഞ്ഞു. പൊലിസ് സഹായത്തോടെ കൗൺസിൽ യോഗങ്ങൾ നടത്തേണ്ട അവസ്ഥ വരെ ഉണ്ടായിരുന്നതായും അവർ ഓർമിപ്പിച്ചു.

ALSO READ: തദ്ദേശ തെരഞ്ഞെടുപ്പ്: വോട്ടർ പട്ടികയിൽ പേര് ചേർക്കാൻ വീണ്ടും അവസരം; അന്തിമ വോട്ടർ പട്ടിക ഒക്ടോബർ 25-ന് 

ജനങ്ങൾ യാഥാർഥ്യങ്ങൾ തിരിച്ചറിയുമെന്നാണ് മുൻ മേയർമാരുടെ പ്രതീക്ഷ. കൊച്ചി കോർപ്പറേഷനും കൊച്ചി സ്മാർട്ട് മിഷൻ ലിമിറ്റഡും (സിഎസ്എംഎൽ) ചേർന്നാണ് ഈ പദ്ധതി നിർവഹിച്ചത്. ഒരു ടവറിന് 41.74 കോടി രൂപയും മറ്റൊന്നിന് 44.01 കോടി രൂപയുമാണ് ചെലവ്.  പാർക്കിങ്, സ്യൂവേജ് ട്രീറ്റ്മെന്റ് പ്ലാന്റ്, ലിഫ്റ്റുകൾ തുടങ്ങിയ സൗകര്യങ്ങൾ ഉൾപ്പെടെ ഓരോ ഫ്ലാറ്റും 300-350 ചതുരശ്ര അടി വിസ്തീർണമുള്ളതാണ്.

The Kochi Corporation's Thuruthi flat complex has sparked a heated dispute between UDF and LDF over who deserves credit for the project. While UDF claims it initiated and drove the project, LDF is accused of trying to claim ownership, escalating political tensions.