സാങ്കേതികവിദ്യയുടെയും മാധ്യമങ്ങളുടെയും ഭാവി പര്യവേഷണം ചെയ്യാൻ യുഎഇയും മസ്കും കൈകോർക്കുമോ? മസ്കുമായി കൂടിക്കാഴ്ച നടത്തി യുഎഇ മീഡിയ കൗൺസിൽ ചെയർമാൻ
ദുബൈ: യുഎഇ നാഷണൽ മീഡിയ ഓഫീസ്, യുഎഇ മീഡിയ കൗൺസിൽ, ബ്രിഡ്ജ് എന്നിവയുടെ ചെയർമാനായ അബ്ദുല്ല ബിൻ മുഹമ്മദ് ബിൻ ബുട്ടി അൽ ഹമദ്, എക്സ്, സ്പേസ്എക്സ്, ടെസ്ല, സ്റ്റാർലിങ്ക് എന്നിവയുടെ സിഇഒ എലോൺ മസ്കുമായി കൂടിക്കാഴ്ച നടത്തി. കാലിഫോർണിയയിലെ പാലോ ആൾട്ടോയിൽ ടെസ്ല ആസ്ഥാനത്ത് വച്ചായിരുന്നു കൂടിക്കാഴ്ച.
സാങ്കേതികവിദ്യയുടെയും മാധ്യമങ്ങളുടെയും ഭാവിയെക്കുറിച്ച് ഇരുവരും വിശദമായ ചർച്ചകൾ നടത്തി. 2025 ഡിസംബറിൽ അബൂദബിയിൽ നടക്കുന്ന ആദ്യ ബ്രിഡ്ജ് ഉച്ചകോടിക്ക് മുന്നോടിയായി ഇരുവരും സഹകരണ സാധ്യതകൾ പരിശോധിച്ചു.
2025 ഡിസംബർ 8 മുതൽ 10 വരെ നടക്കുന്ന ബ്രിഡ്ജ് ഉച്ചകോടിയുടെ ആദ്യ പതിപ്പിൽ പങ്കെടുക്കുന്നതിനായി അൽ ഹമദ്, മസ്കിനെ ക്ഷണിച്ചു. ലോകത്തിലെ ഏറ്റവും വലിയ മാധ്യമ പരിപാടിയായാണ് ഈ ഉച്ചകോടി വിശേഷിപ്പിക്കപ്പെടുന്നത്.
കൃത്രിമബുദ്ധി (എഐ), ഡാറ്റാ സെന്ററുകൾ, ഡിജിറ്റൽ പരിവർത്തനം എന്നിവയിൽ കേന്ദ്രീകരിച്ചായിരുന്നു ചർച്ചകൾ. “21-ാം നൂറ്റാണ്ടിന്റെ സമ്പദ്വ്യവസ്ഥയുടെ എൻജിനുകൾ” എന്നാണ് ഇവയെ മസ്ക് വിശേഷിപ്പിച്ചത്. താങ്ങാവുന്ന വിലയിൽ ഹരിത ഊർജം ലഭ്യമാകുന്നത് രാജ്യങ്ങൾ ഭാവിയിലെ നവീനതകളെ എങ്ങനെ പ്രയോജനപ്പെടുത്തുമെന്ന് നിർണയിക്കുമെന്ന് അദ്ദേഹം വ്യക്തമാക്കി.
കുറഞ്ഞ ചെലവിൽ ശുദ്ധമായ ഊർജ്ജവും, നൂതന അടിസ്ഥാന സൗകര്യങ്ങളും ഉള്ള യുഎഇ, ഈ മേഖലയിൽ ആഗോള നേതാവാകാൻ യോഗ്യരാണെന്ന് അൽ ഹമീദ് അഭിപ്രായപ്പെട്ടു. എഐയിലും ഹരിത സാങ്കേതികവിദ്യകളിലും യുഎഇ നടത്തിയ നിക്ഷേപങ്ങളെ പ്രശംസിച്ച മസ്ക്, രാജ്യത്തിന്റെ ദീർഘവീക്ഷണത്തോടെയുള്ള തന്ത്രത്തിന് യുഎഇ നേതൃത്വത്തെ പ്രശംസിച്ചു.
യുഎഇ പ്രസിഡന്റ് ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെയും അബൂദബിയുടെ ഉപഭരണാധികാരിയും കൃത്രിമബുദ്ധി, നൂതന സാങ്കേതിക കൗൺസിൽ ചെയർമാനുമായ ഷെയ്ഖ് തഹ്നൂൻ ബിൻ സായിദ് അൽ നഹ്യാന്റെയും നേതൃത്വത്തിൽ, യുഎഇയെ നൂതന സാങ്കേതികവിദ്യയുടെ കേന്ദ്രമാക്കി മാറ്റുന്ന ശ്രമങ്ങളെ മസ്ക് എടുത്തുപറഞ്ഞു.
Abdullah bin Muhammad bin Butti Al Hamed, Chairman of UAE National Media Office, UAE Media Council, and Bridge, met with Elon Musk, CEO of X, SpaceX, Tesla, and Starlink, at Tesla's headquarters in Palo Alto, California. Although specific details about the meeting are limited, such high-level interactions often focus on exploring opportunities for collaboration in innovation, technology, and media.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."