ചെന്നൈ: തമിഴ്‌നാട്ടിലെ കരൂര്‍ ജില്ലയില്‍ തമിഴഗ വെട്രി കഴകം (ടിവികെ) മേധാവിയും നടനുമായ വിജയ് പങ്കെടുത്ത റാലിയില്‍ തിക്കിലും തിരക്കിലും പെട്ട് 40   പേര്‍ മരിച്ചു. 46 പേര്‍ക്ക് പരിക്കേറ്റതായി ഉദ്യോഗസ്ഥര്‍ പറഞ്ഞു.
നാമക്കലില്‍ നേരത്തെ നടന്ന റാലിക്ക് ശേഷം വിജയ് പ്രസംഗിക്കേണ്ടിയിരുന്ന സ്ഥലത്ത് കുറഞ്ഞത് 30,000 പേരെങ്കിലും തടിച്ചു കൂടിയിരുന്നു. എന്നാല്‍ അദ്ദേഹത്തിന്റെ വരവ് ഏഴ് മണിക്കൂറിലധികം വൈകിയിരുന്നു.

അപ്പോഴേക്കും ജനക്കൂട്ടവും അനിയന്ത്രിതമായി വര്‍ധിച്ചിരുന്നു. ജനക്കൂട്ടം പെരുകുകയും ചൂടും തിരക്കും കാരണം ആളുകള്‍ ശ്വാസംമുട്ടാന്‍ തുടങ്ങുകയും ചെയ്തപ്പോള്‍ വിജയ് തന്റെ പ്രസംഗം നിര്‍ത്തിവച്ച് ജനങ്ങളെ സഹായിക്കാന്‍ ജനക്കൂട്ടത്തിന് നേരെ കുപ്പിവെള്ളം എറിയാന്‍ തുടങ്ങിയതായും വിഡിയോകള്‍ കാണിച്ചു.

ദുരിതബാധിതരെക്കുറിച്ചുള്ള വിവരങ്ങള്‍ പൊതുജനങ്ങള്‍ക്കായി ഡിഎംകെ നേതാവ് വി സെന്തില്‍ ബാലാജി ഹെല്‍പ്പ്‌ലൈന്‍ നമ്പറുകള്‍ പങ്കിട്ടു. അടിയന്തര സഹായ നമ്പറുകള്‍ കരൂര്‍ ജില്ലാ കലക്ടറുടെ ഓഫീസില്‍ നിന്നുള്ളതാണ്.  എന്റെ ഹൃദയം തകര്‍ന്നിരിക്കുന്നു.

അസഹനീയമായ വേദനയിലും ദുഃഖത്തിലുമാണ് ഞാന്‍. കരൂരില്‍ ജീവന്‍ നഷ്ടപ്പെട്ട നമ്മുടെ പ്രിയപ്പെട്ട സഹോദരീ സഹോദരന്മാരുടെ കുടുംബങ്ങള്‍ക്ക് എന്റെ അഗാധമായ അനുശോചനവും ദുഃഖവും അറിയിക്കുന്നു. ആശുപത്രിയില്‍ ചികിത്സയില്‍ കഴിയുന്നവര്‍ വേഗത്തില്‍ സുഖം പ്രാപിക്കട്ടെ എന്നും പ്രാര്‍ത്ഥിക്കുന്നു എന്നാണ് വിജയ് ട്വിറ്ററില്‍ കുറിച്ചത്.

 ദുരന്തമുണ്ടായ കരൂരില്‍ നിന്നു പോയ വിജയ് ചെന്നൈ നീലാങ്കരയിലെ വീട്ടിലെത്തി. ദുരന്തത്തിന്റെ പശ്ചാത്തലത്തില്‍ ചെന്നൈയിലെ വിജയ്‌യുടെ വീടിന് സുരക്ഷയും കൂട്ടിയിട്ടുണ്ട്. സുരക്ഷയ്ക്കായി കൂടുതല്‍ പൊലീസുകാരെയും വിന്യസിച്ചിട്ടുണ്ട്. ദുരന്തസ്ഥലത്തുനിന്ന് രക്ഷപ്പെട്ട വിജയ്‌ക്കെതിരെ വിവിധ കോണുകളില്‍ നിന്ന് വിമര്‍ശനവുമുയര്‍ന്നു. ആളുകള്‍ മരിച്ചു വീണിട്ടും എസി മുറിയിലിരിക്കാനായി വിജയ് ഓടിപ്പോയെന്ന് ദുരന്തത്തിനിരയായവരുടെ ബന്ധുക്കള്‍ വിമര്‍ശിച്ചു.
 
സംഭവത്തെക്കുറിച്ച് ആഭ്യന്തര മന്ത്രാലയം തമിഴ്‌നാട് സര്‍ക്കാരിനോട് റിപ്പോര്‍ട്ട് തേടിയതായും വൃത്തങ്ങള്‍ അറിയിച്ചു.കരൂര്‍ ലൈറ്റ്ഹൗസ് റൗണ്ടാനയില്‍ റാലി നടത്താന്‍ വിജയ്‌യുടെ പാര്‍ട്ടി ആദ്യം അനുമതി ചോദിച്ചതായി പുലര്‍ച്ചെ ഒരു മണിക്ക് നടന്ന പത്രസമ്മേളനത്തില്‍ തമിഴ്‌നാട് ഡിജിപി ഇന്‍ ചാര്‍ജ് ജി വെങ്കിട്ടരാമന്‍ പറഞ്ഞിരുന്നു.

എന്നാല്‍ കഴിഞ്ഞ രണ്ട് റാലികളിലെ വലിയ ജനക്കൂട്ടം കണക്കിലെടുത്ത് ഇതിനേക്കാള്‍ ഇടുങ്ങിയ ആ പ്രദേശത്ത് ഞങ്ങള്‍ അനുമതി നല്‍കിയിരുന്നില്ല. 10,000 പേര്‍ വരുമെന്ന് അവര്‍ പറഞ്ഞു, പക്ഷേ 27,000ല്‍ അധികം പേര്‍ എത്തി എന്നാണ് മുതിര്‍ന്ന പോലീസ് ഉദ്യോഗസ്ഥന്‍ മാധ്യമപ്രവര്‍ത്തകരോട് പറഞ്ഞത്.

രാവിലെ 10നും ഉച്ചകഴിഞ്ഞ് 3നും ഇടയിലാണ് അനുമതി ചോദിച്ചത്. ഉച്ചയ്ക്ക് 12.30 ഓടെ വിജയ് അവിടെ എത്തുമെന്ന് പ്രഖ്യാപിച്ചു. രാവിലെ 11 മണി മുതല്‍ ജനക്കൂട്ടം ഒത്തുകൂടാന്‍ തുടങ്ങി. എന്നല്‍ വിജയ്  വൈകുന്നേരം 7.40 ന് മാത്രമാണ് വേദിയിലെത്തിയത്. ജനക്കൂട്ടത്തിന് വെള്ളമോ ഭക്ഷണമോ ഇതിനിടയില്‍ ലഭിച്ചില്ല. ഞങ്ങള്‍ ആരെയും കുറ്റപ്പെടുത്തുന്നില്ല, മറിച്ച് വസ്തുതകള്‍ പറയുകയാണെന്നുമാണ് ഡിജിപി പറഞ്ഞത്.

ഇന്ന് രാത്രി കരൂരിലെത്തുന്ന തമിഴ്‌നാട് മുഖ്യമന്ത്രി എം.കെ സ്റ്റാലിന്‍, എക്‌സിലെ ഒരു പോസ്റ്റില്‍ ദുരന്തത്തില്‍ ഞെട്ടല്‍ രേഖപ്പെടുത്തി. വിരമിച്ച ഹൈക്കോടതി ജഡ്ജി ജസ്റ്റിസ് അരുണ ജഗദീശന്‍ അധ്യക്ഷനായ ഏകാംഗ സമിതിയെക്കൊണ്ട് തിക്കിലും തിരക്കിലും പെട്ട് അന്വേഷണം നടത്താനും അദ്ദേഹം ഉത്തരവിട്ടു.

ഈ ദാരുണമായ സംഭവത്തില്‍ ജീവന്‍ നഷ്ടപ്പെട്ടവരുടെ കുടുംബങ്ങള്‍ക്ക് മുഖ്യമന്ത്രിയുടെ പൊതു ദുരിതാശ്വാസ നിധിയില്‍ നിന്ന് 10 ലക്ഷം രൂപയും ആശുപത്രികളില്‍ തീവ്രപരിചരണത്തില്‍ കഴിയുന്നവര്‍ക്ക് ഒരു ലക്ഷം രൂപയും എക്‌സ്‌ഗ്രേഷ്യ നല്‍കാനും ഉത്തരവിട്ടിട്ടുണ്ടെന്ന് സ്റ്റാലിന്‍ പ്രസ്താവനയില്‍ പറഞ്ഞു. കരൂരിലെ രാഷ്ട്രീയ റാലിക്കിടെയുണ്ടായ ദൗര്‍ഭാഗ്യകരമായ സംഭവം അങ്ങേയറ്റം ദുഃഖകരമാണെന്ന് പ്രധാനമന്ത്രി നരേന്ദ്ര മോദിയും പറഞ്ഞു. 

സംഭവത്തിന് ശേഷം വിജയ് ട്രിച്ചിയിലെ വിമാനത്താവളത്തില്‍നിന്ന് ചെന്നൈയിലേക്ക് പോയി. മാധ്യമങ്ങളോട് പ്രതികരിക്കാന്‍ അദ്ദേഹം വിസമ്മതിക്കുകയും വിമാനത്താവളത്തിലെ കാമറകളില്‍ നിന്ന് മുഖം മറയ്ക്കുകയും ചെയ്തു. സംസ്ഥാന തലസ്ഥാനത്ത് വിമാനമിറങ്ങിയ ശേഷം മാത്രമാണ് അദ്ദേഹം ആദ്യമായി സംഭവത്തെക്കുറിച്ച് സംസാരിച്ചത്. വിജയ്‌യുടെ റാലി സംഘടിപ്പിക്കുന്നതിന് ഉത്തരവാദികളായ പാര്‍ട്ടി അംഗങ്ങളില്‍ ഒരാളായ ടിവികെയുടെ കരൂര്‍ ജില്ലാ സെക്രട്ടറി മുതിയഴകനെതിരെ പോലീസ് കേസെടുത്തിട്ടുണ്ട്.

A tragic incident occurred during a political rally organized by Tamilaga Vetri Kazhagam (TVK), led by actor-turned-politician Vijay, in Karur district, Tamil Nadu, resulting in the deaths of 39 people and injuries to 46 others, according to official sources.

The rally, which followed an earlier event in Namakkal, drew a massive crowd of over 30,000 people who had gathered to hear Vijay speak. However, the actor arrived more than seven hours late, during which time the crowd swelled uncontrollably, leading to overcrowding, suffocation, and eventually a deadly stampede.Video footage shows Vijay attempting to help the distressed crowd by throwing bottled water into the masses and halting his speech once he noticed people were in danger.