വടക്കഞ്ചേരി: പാലക്കാട് വടക്കഞ്ചേരിയില്‍ സ്‌കൂട്ടറില്‍ പോവുകയായിരുന്ന യുവതിയെ ഇടിച്ചുവീഴ്ത്തി പീഡിപ്പിക്കാന്‍ ശ്രമിച്ച യുവാവ് അറസ്റ്റില്‍. പട്ടിക്കാട് പൂവഞ്ചിറ സ്വദേശി വിഷ്ണു(25) വിനെ പൊലിസ് അറസ്റ്റ് ചെയ്തു. 

ഇന്നലെ അര്‍ധരാത്രിയോടെ വടക്കഞ്ചേരിക്ക് സമീപമാണ് സംഭവം. സ്വകാര്യ സ്ഥാപനത്തിലെ ജീവനക്കാരിയായ യുവതി രാത്രി ഷിഫ്റ്റ് കഴിഞ്ഞ് വീട്ടിലേക്ക് പോകുമ്പോഴാണ് സംഭവം. ബൈക്കില്‍ പിന്‍തുടര്‍ന്നെത്തിയ വിഷ്ണു യുവതിയുടെ സ്‌കൂട്ടര്‍ ഇടിച്ചുവീഴ്ത്തുകയായിരുന്നു. 

പരുക്കേറ്റ് നിലത്തുവീണ യുവതിയെ ഇയാള്‍ ലൈംഗികമായി ഉപദ്രവിക്കാന്‍ ശ്രമിച്ചു. എന്നാല്‍ യുവതി ബഹളം വെച്ചതോടെ ഇയാള്‍ അവിടെ നിന്നും രക്ഷപ്പെട്ടു. 

വിവരമറിഞ്ഞ് എത്തിയ വടക്കഞ്ചേരി പൊലീസ് സി.സി.ടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് ഇയാള്‍ പിടിയിലായത്. വിഷ്ണു പോക്‌സോ കേസിലും പ്രതിയാണെന്ന് പൊലിസ് അറിയിച്ചു. 

English summary: A 25-year-old man, Vishnu from Poovanchira in Pattikkad, has been arrested for attempting to sexually assault a young woman after deliberately ramming her scooter late at night. The incident took place near Vadakkencherry around midnight. The woman, an employee at a private firm, was returning home after her night shift when Vishnu followed her on a bike, knocked her down, and tried to sexually assault her.