ദുബൈ: 17ാമത് ഏഷ്യാ കപ്പ് ഫൈനലിൽ പാകിസ്ഥാനെതിരെ ടോസ് നേടിയ ഇന്ത്യ ബോളിങ്ങ് തെരഞ്ഞെടുത്തു. ദുബൈ ഇന്റർനാഷണൽ സ്റ്റേഡിയത്തിലാണ് മത്സരം. മുൻ മത്സരങ്ങളിൽ നിന്ന് ഒരു മാറ്റവുമായാണ് ഇന്ത്യ ഫെനലിനിറങ്ങുന്നത്. പരുക്കേറ്റ ഹാർദിക് പാണ്ഡ്യക്ക് പകരം റിങ്കു സിം​ഗ് പ്ലേയിങ്ങ് ഇലവനിലെത്തി. അതേസമയം, പാകിസ്ഥാൻ ടീമിൽ മാറ്റങ്ങളൊന്നുമില്ല.

1984-ൽ ആരംഭിച്ച ഏഷ്യാ കപ്പിന്റെ 41 വർഷത്തെ ചരിത്രത്തിലാദ്യമായാണ് ഇന്ത്യയും പാകിസ്ഥാനും ഫൈനലിൽ നേർക്കുനേർ വരുന്നത്. ടി20 ഫോർമാറ്റിൽ നടക്കുന്ന ടൂർണമെന്റിൽ ഇന്ത്യയുടെ നായകൻ സൂര്യകുമാർ യാദവും പാകിസ്ഥാന്റെ സൽമാൻ അലി ആഗയുമാണ്. 

ALSO READ: കോഹ്‌ലിയുടെ ലോക റെക്കോർഡും തകർന്നുവീഴും; ടി-20യുടെ നെറുകയിലെത്താൻ അഭിഷേക് ശർമ്മ 

ഇന്ത്യ പ്ലേയിങ്ങ് ഇലവൻ: അഭിഷേക് ശർമ്മ, ശുഭ്മാൻ ഗിൽ, സൂര്യകുമാർ യാദവ് (ക്യാപ്റ്റൻ), തിലക് വർമ്മ, സഞ്ജു സാംസൺ (wk), ശിവം ദുബെ, റിങ്കു സിംഗ്, അക്സർ പട്ടേൽ, കുൽദീപ് യാദവ്, ജസ്പ്രീത് ബുംറ, വരുൺ ചക്രവർത്തി.

പാകിസ്ഥാൻ പ്ലേയിങ്ങ് ഇലവൻ: ഫഖർ സമാൻ, സാഹിബ്സാദ ഫർഹാൻ, സയിം അയൂബ്, സൽമാൻ അലി ആഘ (c), ഹുസൈൻ തലാത്ത്, മുഹമ്മദ് ഹാരിസ് (WK), മുഹമ്മദ് നവാസ്, ഫഹീം അഷ്റഫ്, ഷഹീൻ ഷാ അഫ്രീദി, ഹാരിസ് റൗഫ്, അബ്രാർ അഹമ്മദ്.

ഇന്ത്യയും പാകിസ്ഥാനും ടി20-യിൽ 15 തവണയാണ് നേർക്കുനേർ വന്നിട്ടുള്ളത്. ഇന്ത്യ 10 തവണയും പാകിസ്ഥാൻ 5 തവണയും വിജയിച്ചു. ഈ ടൂർണമെന്റിൽ രണ്ട് തവണ ഇന്ത്യ പാകിസ്ഥാനെ തോൽപ്പിച്ചു. കിരീടത്തിനൊപ്പം ദേശീയ അഭിമാനവും സാമ്പത്തിക നേട്ടവും ലക്ഷ്യമിട്ടുള്ള ഈ മത്സരം ക്രിക്കറ്റ് പ്രേമികൾക്ക് മറക്കാനാവാത്ത അനുഭവമാകും.