റിയാദ്: പുതിയ ഹജ്ജ് സീസണിനായുള്ള പ്രധാനപ്പെട്ട ഒരുക്കങ്ങള്‍ ഹജ്ജ്, ഉംറ മന്ത്രാലയം വിലയിരുത്തി. ഹജ്ജ് തീര്‍ഥാടകരെ സ്വീകരിക്കുന്നതിനുള്ള പദ്ധതികള്‍ നടപ്പാക്കുന്നതിനുള്ള ശ്രമങ്ങളും മന്ത്രാലയത്തിന് കീഴില്‍ തുടരുകയാണ്. റബീഉല്‍ അവ്വല്‍ മാസത്തില്‍ പൂര്‍ത്തിയാക്കിയ യോഗങ്ങളിലൂടെയും സംരംഭങ്ങളിലൂടെയും തീര്‍ഥാടകരുടെ സേവനങ്ങള്‍ വികസിപ്പിക്കുന്നതിനുള്ള പ്രതിബദ്ധതയാണ് ഇത് സ്ഥിരീകരിക്കുന്നത്.

തീര്‍ഥാടകരുടെ ഗതാഗത അനുഭവത്തിന്റെ നിലവാരം ഉയര്‍ത്താന്‍ വേണ്ടി ലക്ഷ്യമിട്ടുള്ള 'സൗദി ബസുകള്‍' സംരംഭം ആരംഭിക്കുന്നതിനായി ബന്ധപ്പെട്ട അധികാരികളുമായും ഹജ്ജ് അഫയേഴ്‌സ് ഓഫിസുകളുമായും മീറ്റിങുകള്‍ നടത്തുകയും ചെയ്തു. പുറമേ വരാനിരിക്കുന്ന സീസണിലേക്കുള്ള തയ്യാറെടുപ്പിനായി ഹജ്ജ് അഫയേഴ്‌സ് ഓഫിസുകള്‍ വഴി 60 ലധികം രാജ്യങ്ങളുടെ പ്രതിനിധികളുമായും ഏകോപനം നടത്തിയതായും മന്ത്രാലയം വിശദീകരിച്ചു.

'നുസുക് മസാര്‍' പ്ലാറ്റ്‌ഫോം വിദേശത്തു നിന്നുള്ള തീര്‍ഥാടകര്‍ക്കായി 16ല്‍ അധികം കമ്പനികള്‍ക്കാണ് അംഗീകാരം നല്‍കിയത്. ഒരേ പ്ലാറ്റ്‌ഫോമിലൂടെ 75ല്‍ അധികം രാജ്യങ്ങള്‍ക്കുള്ള സര്‍വിസ് ഗൈഡുകളുടെ ഓട്ടോമേഷന്‍ പൂര്‍ത്തിയാക്കി. ഇന്നുവരെ 189ല്‍ അധികം ഹോസ്പിറ്റാലിറ്റി സെന്ററുകള്‍ തീര്‍ഥാടകര്‍ക്കായി ഒരുക്കിയിട്ടുണ്ട്.

വിദേശത്തു നിന്നുള്ള തീര്‍ഥാടകര്‍ക്ക് സേവനങ്ങള്‍ നല്‍കുന്നതിന് 24ല്‍ അധികം കമ്പനികളെ യോഗ്യരാക്കുകയും അവരുടെ സന്നദ്ധത ഉറപ്പാക്കുകയും ചെയ്തു. സേവനങ്ങള്‍ വികസിപ്പിക്കുന്നതിനും തീര്‍ഥാടകരുടെ യാത്ര സുഗമമാക്കുന്നതിനും അവരുടെ അനുഭവം മെച്ചപ്പെടുത്തുന്നതിനുമായി മന്ത്രാലയം 25ല്‍ അധികം വര്‍ക്ക്‌ഷോപ്പുകളും നടത്തി. ഹജ്ജ് സീസണില്‍ നടപ്പാക്കുന്നതിനായി അംഗീകരിച്ച 25ല്‍ അധികം നൂതന സംരംഭങ്ങള്‍ ആരംഭിച്ചു.

സൗദിക്കുള്ളിലെ തീര്‍ഥാടകര്‍ക്ക് സേവനങ്ങള്‍ നല്‍കുന്നതിന് 11ല്‍ അധികം കമ്പനികള്‍ക്ക് ലൈസന്‍സ് നല്‍കി. മന്ത്രാലയത്തിന്റെ സാമൂഹിക ഉത്തരവാദിത്ത സംരംഭങ്ങള്‍ക്കുള്ള അപേക്ഷകള്‍ സ്വീകരിക്കാനും തുടങ്ങി. 1447 ലെ വരാനിരിക്കുന്ന ഹജ്ജ് സീസണില്‍ സന്നദ്ധസേവനം നടത്താന്‍ ആഗ്രഹിക്കുന്നവരെ രജിസ്റ്റര്‍ ചെയ്യുന്നതിനായി ഒരു ഡാറ്റാബേസ് ആരംഭിച്ചതായും ഹജ്ജ്- ഉംറ മന്ത്രാലയം വ്യക്തമാക്കി.

ഹജ്ജ് സീസണിനായുള്ള സമഗ്ര പദ്ധതിയുടെയും വര്‍ഷം മുഴുവനും നടക്കുന്ന തയാറെടുപ്പുകളുടെയും ഭാഗമാണ് ഈ ശ്രമങ്ങളെന്നും ഹജ്ജ്, ഉംറ മന്ത്രാലയവും പറഞ്ഞു. തീര്‍ഥാടകരെ സേവിക്കാനും അവരുടെ വിശ്വാസ യാത്ര എളുപ്പത്തിലും മനസ്സമാധാനത്തോടെയും സുഗമമാക്കാനുമാണ് ലക്ഷ്യമിടുന്നത്. വിഷന്‍ 2030 ന്റെ ലക്ഷ്യങ്ങള്‍ക്ക് അനുസൃതമായി തീര്‍ഥാടകരുടെ അനുഭവം മെച്ചപ്പെടുത്തുന്നതിനും വികസിപ്പിക്കുന്നതിനുമുള്ള മന്ത്രാലയത്തിന്റെ നിരന്തരമായ ശ്രമങ്ങളുടെ ഭാഗം കൂടിയാണിതെന്നും ഹജ്ജ് ഉംറ മന്ത്രാലയം പറഞ്ഞു.

The Saudi Ministry of Hajj and Umrah has reviewed and evaluated key preparations for the upcoming Hajj season. Efforts are underway to implement various service plans for pilgrims, with continued initiatives launched during the Islamic month of Rabi' al-Awwal. These include enhancing pilgrim services and infrastructure.