ന്യൂഡല്‍ഹി: പ്രവാചകന്‍ മുഹമ്മദ് നബി ജനിച്ച മാസമായ റബീഉല്‍ അവ്വലില്‍ 'ഐ ലവ് മുഹമ്മദ്' എന്ന ബോര്‍ഡ് വച്ചതിനെതിരെ ബി.ജെ.പി ഭരിക്കുന്ന സംസ്ഥാനങ്ങളില്‍ നടന്ന പ്രതികാര നടപടിക്കെതിരെ പ്രതിഷേധിച്ചവര്‍ക്ക് നേരെ ഉത്തര്‍പ്രദേശിലെ ബറേലിയില്‍ നടന്നത് പൊലിസ് അതിക്രമം. അതിക്രമത്തിനിടെ പൊലിസ് ഇത്തിഹാദ്-ഇ-മില്ലത്ത് കൗണ്‍സില്‍ (ഐഎംസി) ജില്ലാ പ്രസിഡന്റ് താസിമിന്റെ കാലില്‍ വെടിവച്ചു. 

വെള്ളിയാഴ്ച ജുമുഅക്ക് ശേഷം നടന്ന പ്രതിഷേധത്തെ തുടര്‍ന്ന് താസിമിനെ അറസ്റ്റ്് ചെയ്യാനായി പോവുകയായിരുന്നു തങ്ങളെന്നും അതിനിടെ പ്രദേശത്ത് സംഘര്‍ഷമുണ്ടായെന്നുമാണ് പൊലിസ് ഭാഷ്യം. തങ്ങള്‍ക്ക് നേരെ താസിം നാടന്‍ തോക്കുപ.യോഗിച്ച് വെടിയുതിര്‍ത്തെന്നും പൊലിസ് ആരോപിക്കുന്നു. ഇത് തടയാനുള്ള ശ്രമത്തിനിടെയാണ് താസിമിന്റെ കാലിന് വെടിയേറ്റതെന്നാണ് വിശദീകരണം. 

'അദ്ദേഹത്തെ അറസ്റ്റ് ചെയ്യാന്‍ ശ്രമിക്കുന്നതിനിടെ, പ്രതി ഒരു നാടന്‍ തോക്ക് ഉപയോഗിച്ച് പൊലിസ് സംഘത്തിന് നേരെ വെടിയുതിര്‍ത്തു. സ്വയം പ്രതിരോധത്തിനായി ഞങ്ങളുടെ സംഘം തിരിച്ചു വെടിവച്ചു, അദ്ദേഹത്തിന്റെ കാലിന് പരിക്കേറ്റു,' ബറേലിയില്‍ ഇന്നലെ നടന്ന സംഭവത്തിന് ശേഷം നടന്ന പത്രസമ്മേളനത്തില്‍ അഡീഷണല്‍ പൊലിസ് സൂപ്രണ്ട് മനുഷ് പരീഖ് മാധ്യമപ്രവര്‍ത്തകരോട് പറഞ്ഞു.

പൊലിസ് കസ്റ്റഡിയില്‍ ചികിത്സയിലാണ് താസിം.  ഐഎംസി മേധാവിയും ബറേലിയിലെ പ്രമുഖ മുസ്‌ലിം പുരോഹിതനുമായ മൗലാന തൗഖീര്‍ റാസ ഖാന്റെ അടുത്ത സഹായിയാണ് അദ്ദേഹം. 

''താസിമിനെതിരെ നേരത്തെ യുപി ഗുണ്ടാ നിയമപ്രകാരം കേസെടുത്തിരുന്നു, കൂടാതെ പശുക്കളെ കശാപ്പ് ചെയ്തതുമായി ബന്ധപ്പെട്ട ഒരു കേസിലും ഉള്‍പ്പെട്ടിട്ടുണ്ട്'' പരീഖ് പറഞ്ഞു.

ശനിയാഴ്ചയാണ് താസിം അറസ്റ്റിലായത്, തുടര്‍ന്ന് 14 ദിവസത്തെ ജുഡീഷ്യല്‍ കസ്റ്റഡിയിലേക്ക് അയച്ചിരിക്കുകയാണ്. അദ്ദേഹത്തെ കൂടാതെ, 17 പേരെ കൂടി അറസ്റ്റ് ചെയ്തിട്ടുണ്ട്, ഇതോടെ കലാപവുമായി ബന്ധപ്പെട്ട ആകെ അറസ്റ്റുകളുടെ എണ്ണം 73 ആയി.

അതിനിടെ, സംഘര്‍ഷം നിലനില്‍ക്കുന്ന സ്ഥലത്തേക്ക് പോകാനിരുന്ന കോണ്‍ഗ്രസ് എംപി ഇമ്രാന്‍ മസൂദിനെ പൊലിസ് വീട്ടുതടങ്കലിലാക്കിയിരിക്കുകയാണ്. ഉത്തര്‍പ്രദേശിലെ ബറേലിയിലേക്ക് പാര്‍ട്ടി പ്രതിനിധി സംഘത്തെ നയിക്കാന്‍ തയ്യാറെടുക്കാനിരിക്കെയാണ് ഇമ്രാന്‍ മസൂദിനെ സഹാറന്‍പൂരില്‍ ബുധനാഴ്ച വീട്ടുതടങ്കലിലാക്കിയത്. 

വെള്ളിയാഴ്ചത്തെ പൊലിസ് അക്രമത്തെത്തുടര്‍ന്ന് ബറേലി ഡിഐജിയെ കാണാനും സ്ഥലത്തെ സ്ഥിതിഗതികള്‍ വിലയിരുത്താനുമുള്ള കോണ്‍ഗ്രസ് പ്രതിനിധി സംഘത്തെ നയിക്കേണ്ടത് ഇമ്രാന്‍ മസൂദായിരുന്നു. ക്രമസമാധാന പ്രശ്‌നങ്ങള്‍ ചൂണ്ടിക്കാട്ടിയാണ് വീട്ടുതടങ്കലിലാക്കിയതെന്നാണ് സംഭവത്തില്‍ അധികൃതര്‍ നല്‍കുന്ന വിശദീകരണം.

ALSO READ: 'ഐ ലവ് മുഹമ്മദ്': ഉത്തർപ്രദേശിലെ പൊലിസ് അതിക്രമം നടന്ന സ്ഥലം സന്ദർശിക്കാനിരുന്ന കോൺ​ഗ്രസ് എംപിയെ വീട്ടുതടങ്കലിലാക്കി

#യു.പിയിലെ ബറേലിയില്‍ നടന്ന പ്രതിഷേധത്തിനിടെയുണ്ടായ അക്രമവുമായി ബന്ധപ്പെട്ട് അറസ്റ്റിലായ ഇത്തിഹാദെ മില്ലത്ത് കൗണ്‍സില്‍ അധ്യക്ഷനും പ്രമുഖ പണ്ഡിതനുമായ തൗഖീര്‍ റസാ ഖാന്റെ അടുത്ത അനുയായി നദീമിനെ പൊലിസ് കസ്റ്റഡിയിലെടുത്തു. നദീം ആണ് പ്രതിഷേധം ആസൂത്രണം ചെയ്തതെന്ന് ആരോപിച്ചാണ് നടപടി.

tensions run high in bareilly as police crack down on 'i love muhammad' protest, leading to allegations of brutality and injury to ittihad-e-millat council president tauqeer raza khan. the incident has sparked widespread controversy and raised questions about police conduct.¹