തിരുവനന്തപുരം: ക്രിമിനൽ കേസുകളിൽ പ്രതികളായാൽ അഡ്മിഷൻ ഇല്ലെന്ന് വിസി. ഈ വിഷയത്തിൽ കോളേജുകൾക്ക് വിസി മോഹൻ കുന്നുമ്മൽ സർക്കുലർ അയച്ചു. പ്രവേശനം നേടുന്നവർ ക്രിമിനൽ കേസുകളിൽ ഉൾപ്പെട്ടില്ലെന്ന് സത്യവാങ്മൂലം നൽകണമെന്നും സർക്കുലറിൽ പറയുന്നുണ്ട്. 

സത്യവാങ്മൂലത്തിൽ നാല് ചോദ്യങ്ങളാണ് ഉൾപ്പെടുത്തിയിരിക്കുന്നത്. കോളേജുകളിൽ നിന്നും ഡീ ബാർ ചെയ്യപ്പെട്ടിട്ടുണ്ടോ?,  ക്രിമിനൽ കേസുകളിൽ പ്രതികളാണോ?,  സ്ത്രീകൾക്കെതിരെയുള്ള അതിക്രമ കേസുകളിലോ ക്രിമിനൽ കേസുകളിലോ ശിക്ഷിക്കപ്പെട്ടിട്ടുണ്ടോ?, പരീക്ഷ ക്രമക്കേടിൽ പെട്ടിട്ടുണ്ടോ? എന്നിങ്ങനെയാണ് ചോദ്യങ്ങൾ. ഈ ചോദ്യങ്ങൾക്ക് പ്രവേശനം നേടുന്ന വിദ്യാർത്ഥികൾ മറുപടി നൽകണം. സർക്കുലറിലെ കാര്യങ്ങളിൽ ലംഘിച്ചാൽ കോളേജ് കൗൺസിലിന് നടപടി എടുക്കാമെന്നും സർക്കുലറിൽ പറയുന്നുണ്ട്.