തൃശൂർ: ചാവക്കാട് രണ്ട് പൊലിസ് ഉദ്യോഗസ്ഥർക്ക് കുത്തേറ്റു. ചാവക്കാട് സ്വദേശിയായ നിസാറാണ് പൊലിസ് ഉദ്യോഗസ്ഥരെ ആക്രമിച്ചത്. ചാവക്കാട് എസ്ഐ, സിപിഒ എന്നിവർക്കാണ് പരുക്കേറ്റത്. ഇന്ന് പുലർച്ചയായിരുന്നു സംഭവം നടന്നത്. 

സഹോദരനെ കുത്തി പരുക്കേൽപ്പിച്ച കേസിൽ കസ്റ്റഡിയിലെടുക്കാനാണ് നിസാറിനെ തേടി പൊലിസ് എത്തിയത്.  ഈ സമയം പൊലിസുകാർക്കെതിരെ നിസാർ ആക്രമണം നടത്തുകയായിരുന്നു.  പരുക്ക് ഗുരുതരമായ എസ്ഐയുടെ കൈക്ക് ശാസ്ത്രക്രിയ നടന്നുവെന്നും പോലീസ് വ്യക്തമാക്കി. 

ആദ്യഘട്ടത്തിൽ നിസാറിനെ കസ്റ്റഡിയിൽ എടുക്കാനായി എത്തിയ പൊലിസുകാരനായ ശരത്തിനെ കുത്തുകയും അരുണിന് പരുക്കേൽക്കുകയും ചെയ്യുകയായിരുന്നു.  ഇവരെ ആശുപത്രിയിലേക്ക് മാറ്റിയശേഷം എത്തിയ പൊലിസുകാരെയും നിസാർ ആക്രമിച്ചു. തുടർന്ന് മൂന്ന് ഉദ്യോഗസ്ഥർക്ക് കൂടി പരുക്കേറ്റു. നാട്ടുകാരുടെ സഹായത്തോടെയാണ് നിസാറിനെ പൊലിസ് അറസ്റ്റ് ചെയ്തത്. പരുക്കേറ്റ നിസാറിനെ തൃശൂർ മെഡിക്കൽ കോളേജിലേക്ക് മാറ്റുകയും ചെയ്തിട്ടുണ്ട്.