ഇരിട്ടി: തില്ലങ്കേരിയില്‍ കഴിഞ്ഞ ദിവസമുണ്ടണ്ടായ ബോംബേറിലും കൊലപാതകത്തിലും ഉള്‍പെട്ട പ്രതികളെ കണ്ടെണ്ടത്താന്‍ പൊലിസ് അന്വേഷണം ഊര്‍ജിതമാക്കി.
ജില്ലാ പൊലിസ് മേധാവി സഞ്ജീവ് കുമാര്‍ അന്വേഷണം പുരോഗതി വിലയിരുത്തി. ഇന്നലെ രാവിലെ മുതല്‍ ഉച്ചവരെ അന്വേഷണവുമായ ബന്ധപ്പെട്ട കാര്യങ്ങള്‍ ഡി.വൈ.എസ്.പി പ്രജീഷ് തോട്ടത്തില്‍, സി.ഐ സജേഷ് വാഴാളപ്പില്‍, മുഴക്കുന്ന് എസ്.ഐ പി.എ ഫിലിപ്പ് എന്നിവരുമായി മുഴക്കുന്ന് സ്‌റ്റേഷനില്‍ ചര്‍ച്ച നടത്തി. അക്രമ സംഭങ്ങള്‍ക്ക് ശേഷം ഏഴോളം കേന്ദ്രങ്ങളില്‍ നടത്തിയ വാഹന പരിശോധനയില്‍ ആയിരത്തോളം വാഹനങ്ങള്‍ പൊലിസ് പരിശോധിച്ചു.കൃത്യമായ രേഖകള്‍ ഇല്ലാത്ത 80ഓളം വാഹനങ്ങള്‍ കസ്റ്റഡിയിലെടുത്തു.
രാത്രികാലങ്ങളിലാണ് പ്രധാനമായും വാഹന പരിശോധന. അക്രമ സംഭവങ്ങളിലെ പ്രതികളെയും ആയുധങ്ങളും കണ്ടെത്താനാണ് ഊര്‍ജിത പരിശോധനയെന്ന് പൊലിസ് പറഞ്ഞു.
ആര്‍.എസ്.എസ് പ്രവര്‍ത്തകന്‍ ബിനീഷിന്റെ കൊലപാതകത്തിലെയും സി.പി.എം പ്രവര്‍ത്തകന്‍ ജിജോയെ ബോം ബെറിഞ്ഞ് പരുക്കേല്‍പ്പിച്ച സം ഭവത്തിലെ പ്രതികളെയും ഉടന്‍ പിടികൂടാന്‍ കഴിയുമെന്ന് പൊലിസ് പറഞ്ഞു,