അബൂദബി: യാസ് ദ്വീപിലെ വിനോദകേന്ദ്രങ്ങളേയും താമസകേന്ദ്രങ്ങളേയും സായിദ് അന്താരാഷ്ട്ര വിമാനത്താവളവുമായി ബന്ധിപ്പിക്കുന്ന പുതിയ ട്രാം സേവനം അവതരിപ്പിച്ച് അബുദാബി ട്രാൻസ്പോർട്ട് (ADT). ഗ്ലോബൽ റെയിൽ ട്രാൻസ്പോർട്ട് ഇൻഫ്രാസ്ട്രക്ചർ എക്സിബിഷനിലും കോൺഫറൻസിലും പ്രദർശിപ്പിച്ച ലൈൻ 4 ട്രാം, തിരക്ക് കുറയ്ക്കുകയും വേഗതയേറിയ യാത്രകൾ ഉറപ്പാക്കുകയും ചെയ്യുമെന്ന് ഉദ്യോഗസ്ഥർ വ്യക്തമാക്കി.

ALSO READ: 19 മാസത്തെ ശമ്പളം നൽകിയില്ല; മുൻ ജീവനക്കാരന് ഒരു കോടി രൂപയിൽ കൂടുതൽ നഷ്ടപരിഹാരം നൽകാൻ ഉത്തരവിട്ട് യുഎഇ കോടതി

വിനോദസഞ്ചാര-താമസ കേന്ദ്രങ്ങളെ വിമാനത്താവളവുമായി ബന്ധിപ്പിക്കുന്ന പുതിയ റൂട്ട് തുറക്കുന്നതോടെ സ്വകാര്യ വാഹനങ്ങളെ ആശ്രയിക്കുന്നത് കുറയുമെന്ന് ADT സിഇഒ സയീദ് സലീം അൽ സുവൈദി പറഞ്ഞു. 

ഓരോ അഞ്ച് മിനിറ്റിലും ഒരു സർവീസ് എന്ന നിലയിലാണ് സേവനം ഒരുക്കിയിരിക്കുന്നത്. പ്രധാന പരിപാടികളിൽ 600 യാത്രക്കാരെ വഹിക്കാൻ ശേഷിയുള്ള തരത്തിലാണ് ഇത് രൂപ കൽപ്പന ചെയ്തിരിക്കുന്നത്. യാസ് ദ്വീപിലെ ആകർഷണങ്ങൾ, താമസ സ്ഥലങ്ങൾ, ഭാവി അതിവേഗ റെയിൽ ഹബ്ബുകൾ എന്നിവയെ ബന്ധിപ്പിക്കുന്നതിൽ ട്രാമിന്റെ പങ്ക് ഉയർത്തിക്കാട്ടിയ അധികൃതർ, യാത്രാ സമയവും തിരക്കും വലിയ തോതിൽ കുറയുമെന്നും ചൂണ്ടിക്കാട്ടി. അബൂദബി സർക്കാരിന്റെ സമഗ്ര ഗതാഗത ദർശനത്തിന്റെ ഭാഗമായാണ് ലൈൻ 4 തുറന്നിരിക്കുന്നത്.

ALSO READ: ഗള്‍ഫിലേക്കുള്ള എയര്‍ ഇന്ത്യ എക്‌സ്പ്രസ് വിമാനങ്ങൾ വെട്ടിച്ചുരുക്കിയ നടപടി; പ്രതിഷേധം ശക്തം 

ഏകീകൃത ടിക്കറ്റിംഗ്, AI-അധിഷ്ഠിത ഡിമാൻഡ് മാനേജ്മെന്റ് എന്നിവയിലൂടെ യാത്രകൾ സുഗമമാക്കുമെന്ന് ADT ഉദ്യോഗസ്ഥർ വ്യക്തമാക്കി. ഗതാഗത മലിനീകരണം കുറയ്ക്കുകയും എല്ലാ താമസക്കാർക്കും അവസരങ്ങൾക്കുള്ള പ്രവേശനം മെച്ചപ്പെടുത്തുകയും ചെയ്ത്, നെറ്റ് സീറോ 2050 ലക്ഷ്യങ്ങളുമായി യോജിക്കുന്ന ഈ സംവിധാനം, അബൂദബിയെ സുസ്ഥിര-സ്മാർട്ട് നഗര ​ഗതാ​ഗതത്തിലെ കരുത്തനാക്കുമെന്ന് അധികൃതർ ഉറപ്പുനൽകി.

abu dhabi's line 4 tram line launches, slashing travel time to just 20 minutes between yas island's entertainment hubs and sa'id international airport; discover how this eco-friendly route boosts connectivity, reduces traffic, and enhances urban mobility for residents and tourists alike.