കൊച്ചി: ബിജെപിയിലെ പ്രബല വിഭാഗം പിണറായി വിജയനെ മൂന്നാമതും അധികാരത്തിലെത്താന്‍ സഹായിക്കുകയാണെന്ന് പി.വി അന്‍വര്‍. അപകടകരമായ സാഹചര്യത്തിലേക്കാണ് കേരളം പോകുന്നതെന്നും, വര്‍ഗീയ വിഭജനം കേരള ജനത തിരിച്ചറിയണമെന്നും അന്‍വര്‍ പറഞ്ഞു. 

' സമാധാനപരമായി പോയികൊണ്ടിരുന്ന ശബരിമലയില്‍ പ്രതിസന്ധിയുണ്ടാക്കിയവരാണ് ഭരണാധികാരികള്‍. അവിശ്വാസി സമൂഹത്തിന്റെ കൈയ്യില്‍ വിശ്വാസകേന്ദ്രങ്ങള്‍ ഏല്‍പ്പിക്കുകയും, സ്വത്തുക്കള്‍ തട്ടിയെടുത്ത് അവര്‍ക്ക് വേണ്ടി അയ്യപ്പസംഗമം നടത്തുകയും ചെയ്യുകയാണ് സര്‍ക്കാര്‍. എസ്എന്‍ഡിപി ഉള്‍പ്പെടെയുള്ള സമുദായംഗങ്ങള്‍ ഇത് തിരിച്ചറിയണം. സമുദായ പാര്‍ട്ടികളെ കൂട്ടുപിടിച്ച് രാഷ്ട്രീയ അട്ടിമറി നടത്താമെന്ന് പിണറായി വിചാരിക്കുന്നെങ്കില്‍ ഹൈന്ദവ വിശ്വാസികള്‍ അത് തിരിച്ചറിയും,' പിവി അന്‍വര്‍ പറഞ്ഞു. 

ആള്‍ദൈവങ്ങള്‍ക്കെതിരെ ശക്തമായ നിലപാട് എടുത്തിരുന്ന പാര്‍ട്ടിയാണ് സിപിഎം. എന്നാലിപ്പോള്‍ ആള്‍ദൈവങ്ങളെ തെരഞ്ഞുനടന്ന് കെട്ടിപ്പിടിക്കുകയാണ്. അധികാരത്തിന് വേണ്ടി തരം താഴാവുന്ന രീതിയിലേക്ക് മുഖ്യമന്ത്രി മാറി. ഉത്തരേന്ത്യയില്‍ യോഗി നടപ്പാക്കിയ തിയറിയാണ് കേരളത്തില്‍ പിണറായി നടപ്പാക്കുന്നത്. ന്യൂനപക്ഷ അംഗങ്ങള്‍ ജയിക്കുന്ന വാര്‍ഡുകള്‍ വെട്ടുന്നു. അതിന്റെ തെളിവുകളാണ് തിരുവനന്തപുരത്ത് നിന്നടക്കം വരുന്നത്,' അന്‍വര്‍ കൂട്ടിച്ചേര്‍ത്തു. 

ALSO READ: പോസ്റ്റർ വിവാദം: യുപിയിലെ ബറേലിയിൽ അതീവ ജാഗ്രത; 48 മണിക്കൂർ നേരത്തേക്ക് ഇന്റർനെറ്റ് റദ്ദാക്കി 

P.V. Anwar has alleged that a powerful faction within the BJP is helping Pinarayi Vijayan come to power for a third term.