തിരുവനന്തപുരം: തിരുവനന്തപുരം ജനറൽ ആശുപത്രിയിൽ ശസ്ത്രക്രിയയ്ക്കിടയിൽ ഗൈഡ് വയർ നെഞ്ചിൽ കുടുങ്ങിയ സംഭവത്തിൽ പരാതിക്കാരിയായ സുമയ്യ ഇന്ന് മെഡിക്കൽ ബോർഡിന് മുന്നിൽ ഹാജരാകും. സുമയ്യയുടെ നെഞ്ചിൽ നിന്നും വയർ പുറത്തെടുക്കാൻ ഇരിക്കുന്നതാണ് ഉചിതം എന്നാണ് മെഡിക്കൽ ബോർഡിന്റെ വിലയിരുത്തൽ.

ധമനികളോട് ഒട്ടിച്ചേർന്ന് നിൽക്കുന്നതിനാൽ ഗൈഡ് വയർ മാറ്റാൻ ശ്രമിക്കുന്നത് അതിസങ്കീർണ്ണമാകും എന്നാണ് നിഗമനം. വയർ കുടുങ്ങിക്കിടക്കുന്നത് കൊണ്ട് സുമയ്യയ്ക്ക് മറ്റ് ആരോഗ്യ പ്രശ്നങ്ങൾ ഉണ്ടാകില്ലെന്നും മെഡിക്കൽ ബോർഡ് വിലയിരുത്തി. ഈ കാര്യങ്ങൾ എല്ലാം സുമയെ ബോധ്യപ്പെടുത്താനാണ് ഇന്ന് മെഡിക്കൽ ബോർഡ് ചേരുന്നത്. 

തനിക്ക് ശ്വാസംമുട്ടൽ അടക്കം കടുത്ത ആരോഗ്യപ്രശ്നങ്ങൾ നേരിടുന്നുണ്ട് എന്നാണ്    സുമയ്യ മെഡിക്കൽ ബോർഡിനെ അറിയിച്ചത്. മെഡിക്കൽ ബോർഡ് സുമയ്യയുടെ ആരോഗ്യ അവസ്ഥ ഒരിക്കലും കൂടി പരിശോധിക്കും. 2023 മാർച്ചിലാണ് തിരുവനന്തപുരം ജനറൽ ആശുപത്രിയിൽ ഡോ രാജീവ് കുമാറിന്റെ യൂണിറ്റിൽ നടത്തിയ ശാസ്ത്രക്രിയയിൽ സുമയ്യയുടെ നെഞ്ചിൽ വയറ് കുടുങ്ങിയത്.