അബുദാബി: റോഡിന്റെ നടുവിൽ വാഹനങ്ങൾ ക്രമരഹിതമായി നിർത്തുന്നത് ഡ്രൈവർമാരുടെയും മറ്റ് റോഡ് ഉപയോക്താക്കളുടെയും ജീവന് അപകടമാകുമെന്ന മുന്നറിയിപ്പുമായി അബൂദബി പൊലിസ്. ഈ അപകടകരമായ പ്രവൃത്തി ഗുരുതരമായ അപകടങ്ങൾക്ക് കാരണമാകുമെന്ന് പൊലിസ് ഉദ്യോഗസ്ഥർ ചൂണ്ടിക്കാട്ടി.

ALSO READ: അപ്പാര്‍ട്‌മെന്റില്‍ വെച്ച് നിയമവിരുദ്ധമായി ഹെയര്‍ ട്രാന്‍സ്പ്ലാന്റേഷന്‍ നടത്തി; ദുബൈയില്‍ യുവാവ് അറസ്റ്റില്‍ 

റോഡിൽ വാഹനം നിർത്തിയതിനെ തുടർന്ന് ഉണ്ടായ അപകടങ്ങളുടെ വീഡിയോ പങ്കുവെച്ചാണ് അബൂദബി പൊലിസ് താമസക്കാർക്ക് മുന്നറിയിപ്പ് നൽകിയത്. റോഡിന്റെ നടുവിൽ കാറുകൾ നിർത്തിയതിനെ തുടർന്ന് ഒന്നിലധികം വാഹനങ്ങൾ കൂട്ടിയിടിക്കുന്നതും നിരവധി പേർക്ക് ഗുരുതരമായ പരുക്കുകൾ സംഭവിക്കുന്നതും വീഡിയോയിൽ കാണാം. വാഹനത്തിന് പെട്ടെന്ന് തകരാറ് വരുമ്പോൾ അടുത്തുള്ള എക്സിറ്റിലേക്ക് നീങ്ങുകയാണ് ചെയ്യേണ്ടത്.

വാഹനം മുന്നോട്ട് നീങ്ങാത്ത സാഹചര്യത്തിൽ ഡ്രൈവർമാർ ഉടൻ 999-ലേക്ക് വിളിച്ച് പൊലിസിനെ അറിയിക്കണം. ഇതോടെ അധികൃതർക്ക് അപകടങ്ങൾ തടയാനും ഗതാഗത തടസ്സങ്ങൾ പരിഹരിക്കാനും സാധിക്കും.

ALSO READ: അനുമതിയില്ലാതെ യുവതിയുടെ ദൃശ്യങ്ങള്‍ പകര്‍ത്തി; യുവാവിന് 30,000 ദിര്‍ഹം പിഴ ചുമത്തി കോടതി 

മറ്റൊരു വാഹനം ക്രമരഹിതമായി നിർത്തിയ കാണുമ്പോൾ ഡ്രൈവർമാർ ഹസാർഡ് ലൈറ്റുകൾ ഓണാക്കി മുൻകരുതലുകൾ സ്വീകരിക്കണം. പൂർണ ശ്രദ്ധയോടെ വാഹനമോടിക്കുകയും മുന്നിലുള്ള വാഹനവുമായി സുരക്ഷിത അകലം പാലിക്കുകയും ചെയ്യണം. ഇത് അപ്രതീക്ഷിത അപകടങ്ങളിൽ നിന്ന് രക്ഷപ്പെടാൻ സഹായിക്കും.

ക്രമരഹിതമായി വാഹനം നിർത്തുന്നവർക്ക് 1,000 ദിർഹം പിഴയും 6 ട്രാഫിക് പോയിന്റുകളും ചുമത്തും. റോഡിന്റെ മധ്യത്തിൽ മതിയായ കാരണമില്ലാതെ പാർക്ക് ചെയ്യുന്നതിന് പുറമേ ഗതാഗത തടസ്സം സൃഷ്ടിക്കുന്നതിന് 500 ദിർഹം അധിക പിഴയും ചുമത്തും. റോഡ് സുരക്ഷിതമാക്കാൻ എല്ലാവരും സഹകരിക്കണമെന്ന് അധികൃതർ ആവശ്യപ്പെട്ടു.

In a stark warning to drivers, Abu Dhabi Police shared a chilling video showing a vehicle abruptly halting in the middle of the highway, leading to a multi-car pile-up and severe injuries. Authorities urge motorists to head to the nearest exit during breakdowns and call 999 immediately to avoid deadly accidents.