ദുബൈ: യുഎഇയിൽ കോർപ്പറേറ്റ് നികുതി രജിസ്ട്രേഷനിൽ റെക്കോർഡ് കൈവരിച്ചതായി ഫെഡറൽ ടാക്സ് അതോറിറ്റി (എഫ്‌ടി‌എ). 6,40,000-ത്തിലധികം ബിസിനസുകൾ നികുതിക്കായി രജിസ്റ്റർ ചെയ്തിട്ടുണ്ട്. നിയമപരമായ സമയപരിധിക്കുള്ളിൽ റിട്ടേണുകൾ സമർപ്പിക്കുന്നതിലും കുടിശ്ശികകൾ തീർക്കുന്നതിലും ശക്തമായ പങ്കാളിത്തം രേഖപ്പെടുത്തി.

ALSO READ: ഷെങ്കൻ മാതൃകയിൽ ജിസിസി ടൂറിസ്റ്റ് വിസ; ഗൾഫിലേക്കുള്ള സഞ്ചാരികളുടെ ഒഴുക്ക് വർധിക്കും | GCC VISA 

നികുതി നിയമനിർമ്മാണത്തിന്റെയും ഡിജിറ്റൽ സംവിധാനങ്ങളുടെയും കാര്യക്ഷമതയാണ് നേട്ടത്തിന് പിന്നിലെന്ന് എഫ്‌ടി‌എ വ്യക്തമാക്കി. അന്താരാഷ്ട്ര തലത്തിലെ മികച്ച രീതികളുമായി പൊരുത്തപ്പെടുന്നതും ഇലക്ട്രോണിക് നടപടിക്രമങ്ങളിലൂടെ ബിസിനസുകളെ പിന്തുണയ്ക്കുന്നതുമായ നികുതി സംവിധാനമാണ് യുഎഇയിൽ നിലവിലുള്ളത്. 2024 ഡിസംബർ 31-ന് അവസാനിച്ച സാമ്പത്തിക വർഷത്തിന്റെ ആദ്യ റൗണ്ട് ഫയലിംഗുകൾ 2025 സെപ്റ്റംബർ അവസാനത്തോടെ വിജയകരമായി പൂർത്തിയാക്കിയതായും അതോറിറ്റി ചൂണ്ടിക്കാട്ടി.

ALSO READ: ഡിജിറ്റല്‍ തട്ടിപ്പുകാരെയും കിംവദന്തി പരത്തുന്നവരെയും കാത്തിരിക്കുന്നത് കടുത്ത ശിക്ഷ; നടപടികള്‍ കര്‍ശനമാക്കി യുഎഇ 

"2024 ഡിസംബർ 31-ന് നികുതി കാലയളവ് അവസാനിച്ച രജിസ്റ്റർ ചെയ്ത ബിസിനസുകളിൽ നിന്ന് ലക്ഷക്കണക്കിന് കോർപ്പറേറ്റ് നികുതി റിട്ടേണുകളാണ് ലഭിച്ചത്. ബിസിനസ് മേഖലകളിൽ വർധിച്ചുവരുന്ന നികുതി അവബോധവും 'എമാരടാക്സ്' പ്ലാറ്റ്‌ഫോമിലൂടെ 24 മണിക്കൂറും ലഭ്യമായ ഡിജിറ്റൽ സേവനങ്ങളുടെ എളുപ്പവും വ്യക്തതയുമാണ് റെക്കോർഡ് നേട്ടത്തിന് പിന്നിൽ." എഫ്‌ടി‌എ ഡയറക്ടർ ജനറൽ ഖാലിദ് അലി അൽ ബുസ്താനി പറഞ്ഞു.

വഴക്കമുള്ളതും പ്രോത്സാഹജനകവുമായ നികുതി അന്തരീക്ഷം ഉറപ്പാക്കുന്നതിന് യുഎഇ നേതൃത്വം നടപടികൾ സ്വീകരിച്ചിട്ടുണ്ടെന്ന് അൽ ബുസ്താനി വ്യക്തമാക്കി. 

the uae marks a milestone with over 6 lakh corporate tax registrations, reflecting strong compliance and economic growth in the region.