ഡാര്‍ജിലിങ്: പശ്ചിമ ബംഗാളിലെ ഡാര്‍ജിലിങ്ങില്‍ കനത്ത മഴയെ തുടര്‍ന്നുണ്ടായ ഉരുള്‍പൊട്ടലില്‍ മരച്ചവരുടെ എണ്ണം 20 ആയി ഉയര്‍ന്നു. ഇതില്‍ 7 പേര്‍ കുട്ടികളാണ്. ജില്ലയൊട്ടാകെ മണ്ണിടിച്ചില്‍ റിപ്പോര്‍ട്ട് ചെയ്യുന്നുണ്ട്. സര്‍സലി, ജസ്ബിര്‍ഗന്‍, മിരിക് മസ്തി, ധര്‍ഗാന്‍, നഗ്രകത, മിറിക് ലേക്ക് ഏരിയകളിലായി മരണങ്ങള്‍ റിപ്പോര്‍ട്ട് ചെയ്തതായി എന്‍ഡിആര്‍എഫ് അറിയിച്ചു. 

അതിനിടെ ഭൂട്ടാനിലെ താല ഹൈഡ്രോപവര്‍ ഡാമില്‍ ജലനിരപ്പ് ഉയര്‍ന്നതിനാല്‍ പശ്ചിമബംഗാളിന്റെ വടക്കന്‍ ജില്ലകളില്‍ പ്രത്യേക ജാഗ്രത നിര്‍ദേശവും പുറപ്പെടുവിച്ചിട്ടുണ്ട്. 

ALSO READ: സാങ്കേതിക തകരാർ; എയർ ഇന്ത്യ വിമാനം അടിയന്തരമായി നിലത്തിറക്കി 

ദുർഗ്ഗാപൂജയ്ക്ക് ശേഷം ഡാർജിലിങ്ങിലേക്ക് ഒഴുകിയെത്തിയ വിനോദസഞ്ചാരികൾ കുടുങ്ങി

ദുർഗ്ഗാ പൂജയ്ക്ക് ശേഷം കൊൽക്കത്തയിൽ നിന്നും ബംഗാളിന്റെ മറ്റ് ഭാഗങ്ങളിൽ നിന്നും ധാരാളം വിനോദസഞ്ചാരികൾ ഡാർജിലിങ്ങിലേക്ക് യാത്ര ചെയ്തിരുന്നു. മഴയും ഉരുൾപൊട്ടലുകളും കാരണം നിരവധി പേർ റോഡുകളിലും ഹോട്ടലുകളിലും കുടുങ്ങിക്കിടക്കുന്നു. അനിഷ്ട സംഭവങ്ങൾ ഒഴിവാക്കാൻ ഗൂർഖാലാൻഡ് ടെറിട്ടോറിയൽ അഡ്മിനിസ്ട്രേഷൻ (ജിടിഎ) പ്രധാന വിനോദസഞ്ചാര കേന്ദ്രങ്ങൾ അടച്ചിടാൻ തീരുമാനിച്ചു. ഡാർജിലിങ്ങിലെ ടോയ് ട്രെയിൻ സർവീസുകളും താത്കാലികമായി നിർത്തിവെച്ചു.

ഉരുൾപൊട്ടലുകൾ ഡാർജിലിങ്ങിന്റെ വിവിധ ഭാഗങ്ങളിൽ, പ്രത്യേകിച്ച് മിരിക്, കുരസിയോങ് തുടങ്ങിയ പ്രദേശങ്ങളിൽ ഉണ്ടായി. ദുഡിയ ഐറൺ ബ്രിഡ്ജ് പൊട്ടിപ്പോയതോടെ മിരിക്-സിലിഗുരി റൂട്ട് പൂർണമായി തടസപ്പെട്ടു. വീടുകൾ മുഴുവൻ മണ്ണിനടിയിലായി, റോഡുകൾ തകർന്നു, നദികളിൽ വെള്ളപ്പൊക്കം ഉണ്ടായി. നിരവധി ഗ്രാമങ്ങൾ ഒറ്റപ്പെട്ട നിലയിലാണ്, രക്ഷാദൗനത്യങ്ങൾക്ക് ബുദ്ധിമുട്ടുണ്ടാക്കിയിരിക്കുകയാണ്. സംസ്ഥാന ദുരന്തനിവാരണ സേനയും (എൻഡിആർഎഫ്) നാഷണൽ ഡിസാസ്റ്റർ റെസ്പോൺസ് ഫോഴ്സും രക്ഷാപ്രവർത്തനങ്ങൾ ഊർജിതമാക്കി. പ്രതിപക്ഷ നേതാവ് രാഹുൽ ഗാന്ധിയും സംഭവത്തിൽ പ്രതികരിച്ചു, ദുരന്ത ബാധിതർക്ക്  സഹായങ്ങൾ വാഗ്ദാനം ചെയ്തു.

ഇന്ത്യൻ കാലാവസ്ഥാ വകുപ്പ് (ഐഎംഡി) ഡാർജിലിങ്ങിലും ചുറ്റുപാടുകളിലും കനത്ത മഴ തുടരുമെന്ന് മുന്നറിയിപ്പ് നൽകി. ദുരന്തബാധിതർക്ക് ഭക്ഷണവും മരുന്നും വിതരണം ചെയ്യുന്നതിനായി സർക്കാർ ക്യാമ്പുകൾ സ്ഥാപിച്ചു. സംഭവത്തിന്റെ പൂർണ വിലയിരുത്തൽ നടത്തി സഹായം ഉറപ്പാക്കുമെന്ന് മുഖ്യമന്ത്രി അറിയിച്ചു.

the death toll has risen to 20 due to a landslide triggered by heavy rainfall in darjeeling, west bengal