മനാമ: ബഹ്‌റൈനില്‍ ജോലി ചെയ്യുന്നതിന് മുമ്പ് വിദേശ തൊഴിലാളികളുടെ അക്കാദമിക്, പ്രൊഫഷണല്‍ യോഗ്യതകള്‍ പരിശോധിക്കാന്‍ പ്രത്യേക അന്തര്‍ മന്ത്രാലയ ഭരണ സമിതി വരുന്നു. സമിതി രൂപീകരിക്കാന്‍ ബഹ്‌റൈന്‍ പാര്‍ലമെന്റംഗങ്ങള്‍ നിര്‍ദ്ദേശിച്ചു. ബഹ്‌റൈനിലെ തൊഴില്‍ വിപണിയുടെ സമഗ്രത സംരക്ഷിക്കാനും പൊതു, സ്വകാര്യ സേവനങ്ങളുടെ ഗുണനിലവാരം നിലനിര്‍ത്താനുമാണ് സമിതി രൂപീകരിക്കുന്നതെന്ന് അംഗങ്ങള്‍ അറിയിച്ചു. മുഹമ്മദ് ഹുസൈന്‍ ജാനഹിയുടെ നേതൃത്വത്തിലുള്ള അഞ്ച് എം.പിമാര്‍ സമര്‍പ്പിച്ച നിര്‍ദ്ദേശം പാര്‍ലമെന്റ് സ്പീക്കര്‍ അഹമ്മദ് അല്‍ മുസല്ലം അവലോകനത്തിനായി സര്‍വീസസ് കമ്മിറ്റിക്ക് അയച്ചു.

ബഹ്‌റൈനിലെ വിവിധ മേഖലകളിലെ പ്രവാസി തൊഴിലാളികളുടെ വര്‍ദ്ധിച്ചുവരുന്ന എണ്ണം അവരുടെ യോഗ്യതാപത്രങ്ങള്‍ യഥാര്‍ത്ഥവും ഔദ്യോഗികമായി അംഗീകരിക്കപ്പെട്ടതുമാണെന്ന് ഉറപ്പാക്കേണ്ടതിന്റെ ആവശ്യകത എടുത്തുകാണിക്കുന്നതാണ് നിര്‍ദേശത്തിന്റെ ഉള്ളടക്കം. രാജ്യത്ത് തൊഴില്‍ സുരക്ഷിതമാക്കാന്‍ വ്യാജമോ വഞ്ചനാപരമോ ആയ യോഗ്യതകള്‍ ഉപയോഗിച്ചതായി രേഖപ്പെടുത്തിയ കേസുകളുടെ വെളിച്ചത്തിലാണ് ഈ നീക്കം.
ഇത് വിദേശ തൊഴിലാളികള്‍ക്ക് തടസ്സങ്ങള്‍ സൃഷ്ടിക്കുന്നതിനെക്കുറിച്ചല്ലെന്നും നിയമിക്കപ്പെടുന്ന ഓരോ തൊഴിലാളിയും അവര്‍ ഏറ്റെടുക്കുന്ന റോളിന് യഥാര്‍ത്ഥത്തില്‍ യോഗ്യരാണെന്ന് ഉറപ്പാക്കി ബഹ്‌റൈനിലെ സ്ഥാപനങ്ങളെയും അവിടത്തെ താമസക്കാരെയും തൊഴില്‍ വിപണിയുടെ പ്രശസ്തിയെയും സംരക്ഷിക്കുന്നതിനെക്കുറിച്ചാണെന്നും ജനഹി പറഞ്ഞു. 

ALSO READ: യുഎഇ: ഡിസംബറിൽ 9 ദിവസത്തെ അവധിക്ക് സാധ്യത; കേരളം ഉൾപ്പെടെയുള്ള സ്ഥലങ്ങളിലേക്കുള്ള വിമാന ടിക്കറ്റ് നിരക്ക് കുത്തനെ കുതിക്കുന്നു, ഇപ്പോൾ തന്നെ ബുക്ക് ചെയ്യുക | UAE Flight Ticket

A group of Bahraini legislators has proposed the formation of an inter-ministerial administrative committee tasked with verifying the academic and professional qualifications of foreign workers before their employment in the kingdom.