തിരുവനന്തപുരം: ആറ്റിങ്ങലില്‍ മോഷ്ടാവ് കവര്‍ച്ചയ്ക്കിടെ സ്‌കൂളിലെ ശുചിമുറിക്കടുത്ത് കിടന്ന് ഉറങ്ങിപ്പോയി. ഇയാളെ പൊലിസ് പിടികൂടി. ആറ്റിങ്ങല്‍ സ്വദേശി വിനീഷ് (23) ആണ് പിടിയില്‍ ആയത്. ശനിയാഴ്ച രാവിലെയാണ് സംഭവം. രാവിലെ ലൈറ്റ് അണയ്ക്കുന്നതിനായി എത്തിയ സെക്യൂരിറ്റി ജീവനക്കാരന്‍ കാഷ് കൗണ്ടര്‍ പ്രവര്‍ത്തിക്കുന്ന മുറി തുറന്നു കിടക്കുന്നത് കണ്ടു.

ഈ വിവരം സ്‌കൂള്‍ അധികൃതരെ അറിയിക്കുകയായിരുന്നു. തുടര്‍ന്ന് നടത്തിയ പരിശോധനയിലാണ് ലോക്കര്‍ തുറക്കാന്‍ ശ്രമിച്ചിരിക്കുന്നതു കണ്ട് പൊലിസില്‍ വിവരം അറിയിച്ചത്. അതിനിടെ പരിശോധന നടത്തിയ സ്‌കൂള്‍ അധികൃതര്‍ ഹയര്‍ സെക്കന്‍ഡറി ബ്ലോക്കിലെ ആണ്‍കുട്ടികളുടെ ശുചിമുറിക്ക് സമീപത്തായി നിലത്തു കിടന്ന് ഉറങ്ങുന്ന നിലയില്‍ മോഷ്ടാവിനെയും കണ്ടെത്തുകയായിരുന്നു.

സ്‌കൂളില്‍ നിന്നു കവര്‍ന്ന യു പിഎസും പാലിയേറ്റീവ് കെയര്‍ യൂണിറ്റുകളുടെ കാഷ് കളക്ഷന്‍ ബോക്‌സും തകര്‍ത്ത് എടുത്ത പണവും ആയുധങ്ങളും സഹിതം തൊട്ടടുത്ത് വച്ചാണ് ഇയാള്‍ ഉറങ്ങിപ്പോയതെന്ന് സ്‌കൂള്‍ അധികൃതര്‍ പറഞ്ഞു. പ്രതിയെ കോടതിയില്‍ ഹാജരാക്കി.

In a bizarre incident in Attingal, Thiruvananthapuram, a thief fell asleep near a school toilet during an attempted robbery and was later caught by the police. The accused, identified as Vineesh (23), a local resident, was found early Saturday morning.

The incident came to light when a school security staff member noticed the cash counter room door left open while turning off the lights. Upon alerting the school authorities, a closer inspection revealed signs of an attempted break-in at the locker. During further search, staff found Vineesh sleeping on the floor near the boys' toilet in the higher secondary block.