തുറവൂര്‍: കുത്തിയതോട് ചമ്മനാട് ഇ സി.ഇ.കെ.യൂണിയന്‍ ഹൈസ്‌കൂളിലെ വിദ്യാര്‍ത്ഥികള്‍ ചെറു സമ്പാദ്യങ്ങള്‍ ചേര്‍ത്തുവച്ച് സഹപാഠികള്‍ക്ക് ഓണക്കോടി സമ്മാനിച്ചു. ക്ലാസുകളില്‍ ചാരിറ്റി ബോക്‌സ് സ്ഥാപിച്ച് ചെറിയ തുക വീതം സമാഹരിച്ച് ഭിന്നശേഷിയുള്ള രണ്ടു കുട്ടികള്‍ക്കാണ് ഓണക്കോടി നല്‍കിയത്.
കൂടാതെ സ്‌കൂളില്‍ ഉച്ചഭക്ഷണം പാകം ചെയ്തിരുന്ന അംബുജാക്ഷിക്കും ഓണക്കോടി നല്‍കി. ഹെഡ്മിസ്ട്രസ് സതീദേവീ, സി.ആര്‍.ഗോപകുമാര്‍, റ്റി.വി.ജയശ്രീ, സി. നീത, ജി.വിജയശ്രീ, റ്റി.ആര്‍.സുമി എന്നിവര്‍ നേതൃത്വം നല്‍കി.