ആലപ്പുഴ: കേര ഗവേഷണത്തിന് തുടക്കംകുറിച്ച് 1916 ല്‍ ആരംഭിച്ച പിലിക്കോട്, നീലേശ്വരം കാര്‍ഷിക ഗവേഷണകേന്ദ്രം, പടന്നക്കാട് തോട്ടം എന്നിവയുടെ ശതാബ്ദി ആഘോഷങ്ങളുടെ ജില്ലാതല ഉദ്ഘാടനം കളക്‌ട്രേറ്റില്‍ സങ്കരയിനം തെങ്ങിന്‍ തൈ നട്ടുകൊണ്ട്  ഇന്ന് (സെപ്റ്റംബര്‍ എട്ട്) രാവിലെ 9.30ന് ജില്ലാ കളക്ടര്‍ വീണ എന്‍. മാധവന്‍ നിര്‍വഹിക്കും. ആഘോഷങ്ങളുടെ സംസ്ഥാനതല ഉദ്ഘാടനം ഇന്ന് കേരശ്രീ സങ്കരയിനം തെങ്ങിന്‍ തൈ തിരുവനന്തപുരം സെക്രട്ടേറിയറ്റ് വളപ്പില്‍ നട്ടുകൊണ്ട് മുഖ്യമന്ത്രി പിണറായി വിജയന്‍ നിര്‍വഹിക്കും. ഇതേ സമയം തന്നെ മുഴുവന്‍ കളക്‌ട്രേറ്റുകളിലും വില്ലേജ് ഓഫീസുകളിലും സങ്കരയിനം തൈ നടും.