തിരുവനന്തപുരം: ക്ഷേത്ര ഭരണം വിശ്വാസികള്‍ക്ക് വിട്ടുതരണമെന്നും ദേവസ്വം ബോര്‍ഡ് സംവിധാനം പിരിച്ചുവിടണമെന്നും ബിജെപി നേതാവ് കുമ്മനം രാജശേഖരന്‍. സ്വകാര്യ ചാനലിന് നല്‍കിയ അഭിമുഖത്തിലാണ് അദ്ദേഹം തന്റെ അഭിപ്രായം വ്യക്തമാക്കിയത്. ഇടതുവലത് സര്‍ക്കാരുകള്‍ ചേര്‍ന്ന് ശബരിമലയെ കൊള്ളയടിച്ചെന്നും അദ്ദേഹം കൂട്ടിച്ചേര്‍ത്തു.

ശബരിമലയെ മാറി മാറി വന്ന ഇടത് വലത് സര്‍ക്കാരുകള്‍ കൊള്ളയടിച്ചു. ദേവസ്വം ബോര്‍ഡിന് രാഷ്ട്രീയ ലക്ഷ്യം മാത്രമാണുള്ളത്. സി.പി.ഐ.എമ്മിനും കോണ്‍ഗ്രസിനും ഇതില്‍ പങ്കുണ്ട്. ഹിന്ദുക്കള്‍ക്ക് ആരാധനാ ഭരണ സ്വാതന്ത്ര്യം വേണം. അത് വിട്ടുതരാന്‍ സര്‍ക്കാരുകള്‍ മടിക്കുന്നതെന്തിനാണ്. 

ദേവസ്വം ബോര്‍ഡുകള്‍ ക്ഷേത്രങ്ങളെ ഭരിക്കാന്‍ നിയുക്തരാകുന്നത് രാഷ്ട്രീയ പരിഗണന വെച്ച് മാത്രമാണ്. അവിടെ ഭക്തരുടെ വികാരം പരിഗണിക്കാറില്ല. അയ്യപ്പസംഗമത്തിന് രാഷ്ട്രീയ ലക്ഷ്യങ്ങള്‍ മാത്രമാണുള്ളത്. കോണ്‍ഗ്രസും ബിജെപിയും ഹിന്ദുക്കളെ വഞ്ചിച്ചവരാണ്. സര്‍ക്കാര്‍ എന്തിനാണ് ഹിന്ദുക്കളുടെ ക്ഷേത്രം ഭരിക്കുന്നതെന്ന് ഇരുപാര്‍ട്ടികളും പറയണം. ഇത് വ്യവസ്ഥിതിയുടെ തകരാറാണ്. അതില്‍ മാറ്റം വരണം. ദേവസ്വം നിയമങ്ങള്‍ ഭേദഗതി ചെയ്യണം.' കുമ്മനം രാജശേഖരന്‍ കൂട്ടിച്ചേര്‍ത്തു.

ALSO READ: കെട്ടിടത്തില്‍ നിന്ന് വീണ് ആശുപത്രിയിലെത്തി; പരിശോധനയില്‍ അമീബിക് മസ്തിഷ്‌കജ്വരം സ്ഥിരീകരിച്ചു; വയോധികന്‍ ചികിത്സയില്‍ 

BJP leader Kummanam Rajasekharan demands the dissolution of the Devaswom Board system.