ദുബൈ: വീണ്ടും കുതിച്ചുയർന്ന് യുഎഇയിലെ സ്വർണവില. 24 കാരറ്റ് സ്വർണത്തിന് ഗ്രാമിന് 479.50 ദിർഹമാണ് നിലവിലെ വില. 500 ദിർഹത്തിൽ നിന്ന് വെറും 20.50 ദിർഹം മാത്രം കുറവ്. വ്യാഴാഴ്ച വൈകുന്നേരം വരെ 5 ദിർഹമാണ് വർധിച്ചത്. വില കുതിച്ചുയരുന്നതിന് പിന്നിൽ ആഗോള രാഷ്ട്രീയ-സാമ്പത്തിക അനിശ്ചിതത്വമാണെന്നാണ് വിവരം. 22 കാരറ്റ് സ്വർണത്തിന് 444 ദിർഹമാണ് വില.

ALSO READ: സ്വര്‍ണവിലയില്‍ ഇന്നും റെക്കോര്‍ഡ്; 90,000 തൊടാന്‍ 520 കൂടി  

ചൊവ്വാഴ്ച ആദ്യമായി ഔൺസിന് 4,000 ഡോളർ കടന്ന ആഗോള സ്വർണവിലയുടെ കുതിപ്പാണ് യുഎഇയിലും പ്രതിഫലിക്കുന്നത്. ന്യൂയോർക്കിലെ സ്വർണ വില 3,960.60 ഡോളറിൽ നിന്ന് 4,000-ന് മുകളിലേക്ക് കുതിച്ചിരുന്നു. ജനുവരിയിൽ ഇത് 2,670 ഡോളറായിരുന്നു. ചുരുക്കത്തിൽ കഴിഞ്ഞ പത്ത് മാസത്തിനിടെ ഉണ്ടായത് 50 ശതമാനം വർധനവ്. രാഷ്ട്രീയ അനിശ്ചിതത്വം, വ്യാപാര തടസ്സങ്ങൾ എന്നിവയാണ് ഇതിന് കാരണമെന്ന് വിശകല വിദ​ഗ്ധർ ചൂണ്ടിക്കാട്ടുന്നു.

ALSO READ: കോർപ്പറേറ്റ് കമ്പനികൾക്ക് സമ്മാനങ്ങൾ നിർമ്മിച്ച് നൽകുന്ന സ്ഥാപനം; തൊഴിലുടമ അറിയാതെ ജീവനക്കാരൻ തട്ടിയെടുത്തത് 5.72 കോടിയുടെ സ്വർണനാണയം; അറസ്റ്റ് 

യുഎസ് ഗവൺമെന്റ് അടച്ചുപൂട്ടൽ രണ്ടാം ആഴ്ചയിലേക്ക് നീണ്ടതോടെ പ്രധാന സാമ്പത്തിക ഡാറ്റകൾ വൈകുകയും ആയിരക്കണക്കിന് ഫെഡറൽ ജീവനക്കാർക്ക് ശമ്പളം നഷ്ടപ്പെടുകയും ചെയ്തിരുന്നു. പ്രസിഡന്റ് ഡൊണാൾഡ് ട്രംപിന്റെ പുതുക്കിയ വ്യാപാര താരിഫുകൾ ആശങ്കകൾ വർധിപ്പിച്ചിട്ടുണ്ട്. ഇറക്കുമതി ചെലവുകൾ ഉയർത്തി നിയമനങ്ങൾ മന്ദഗതിയാക്കിയ ട്രംപിന്റെ നയങ്ങൾ പണപ്പെരുപ്പ സമ്മർദ്ദങ്ങളും വർധിപ്പിച്ചു. നിക്ഷേപകർ ചാഞ്ചാട്ടത്തിൽ നിന്ന് സുരക്ഷിത താവളങ്ങൾ തേടുന്ന സമയം കൂടിയാണിത്. 

ഗൾഫ് രാജ്യങ്ങളിലെയും ഇന്ത്യയിലെയും സ്വർണവിലകൾ (24 കാരറ്റ്, ഗ്രാം പ്രതി)

uae 24 carat gold prices show no signs of falling, eyeing 500 dirhams milestone amid global surge. key insights for gulf expats, nris on trends, forecasts, and smart buying tips in dubai and abu dhabi markets.