അബൂദബി: വിസ് എയറിന്റെ അബൂദബിയിലേക്കുള്ള ലോ ബജറ്റ് നിരക്കിലുള്ള വിമാന സര്‍വിസുകള്‍ക്ക് ഇപ്പോള്‍ ബുക്കിംഗ് ലഭ്യം. അടുത്ത മാസം മുതല്‍ സര്‍വിസുകള്‍ ആരംഭിക്കുന്നതാണ്. വിസ് എയര്‍ വെബ്‌സൈറ്റില്‍ ലഭ്യമായ വിവരങ്ങള്‍ പ്രകാരം, പോളണ്ടിലെ കാറ്റോവൈസിനും ക്രാക്കോവിനുമിടയില്‍ അബൂദബിയിലേക്കുള്ള ആദ്യ വിമാന സര്‍വിസുകള്‍ നവംബര്‍ 20ന് തുടങ്ങും. 309 പോളിഷ് സ്ലോട്ടി മുതലുള്ള (312 ദിര്‍ഹം, ഏകദേശം 7500 രൂപ) നിരക്കുകളാണുണ്ടാവുക.

തങ്ങളുടെ അബൂദബി പ്രവര്‍ത്തനങ്ങള്‍ സെപ്റ്റംബര്‍ ഒന്ന് മുതല്‍ നിര്‍ത്തിവയ്ക്കുന്നതായി ഈ വര്‍ഷാദ്യം വിസ് എയര്‍ പ്രഖ്യാപിച്ചിരുന്നു. മിഡില്‍ ഈസ്റ്റ് മേഖലയിലെ ഭൗമ രാഷ്ട്രീയ സാഹചര്യം, നിയന്ത്രണ വെല്ലുവിളികള്‍, മറ്റ് ബജറ്റ് എയര്‍ലൈനുകളില്‍ നിന്നുള്ള കടുത്ത മത്സരം എന്നിവ കാരണം സംയുക്ത സംരംഭത്തില്‍ നിന്ന് ഒഴിവാകുകയും ചെയ്തു. ഒരിടവേളക്ക് ശേഷം ഇത് പുനരാരംഭിക്കുകയാണെന്നാണ് വിസ് എയര്‍ പ്രഖ്യാപിച്ചത്.

'തന്ത്രപരമായ ഈ പുനഃക്രമീകരണത്തിന്റെ ഭാഗമായി വിസ് എയര്‍ അബൂദബി പ്രവര്‍ത്തനങ്ങള്‍ നിര്‍ത്തിവച്ചത് മൂലം 2025 സെപ്റ്റംബര്‍ മുതല്‍ പ്രാദേശികാധിഷ്ഠിതമായ എല്ലാ വ്യോമ പ്രവര്‍ത്തനങ്ങളും നിര്‍ത്തി വയ്ക്കുന്നതാണ്. കൂടാതെ, സംയുക്ത സംരംഭത്തില്‍ നിന്ന് മുന്നോട്ട് പോകാന്‍ ഉദ്ദേശിക്കുന്നു. അതിന്റെ പ്രധാന വിപണികളില്‍ ശ്രദ്ധ കേന്ദ്രീകരിക്കുകയും ചെയ്യും''- എന്നായിരുന്നു ലണ്ടന്‍ സ്റ്റോക്ക് എക്‌സ്‌ചേഞ്ചില്‍ മുന്‍പ് പോസ്റ്റ് ചെയ്ത പ്രസ്താവനയില്‍ എയര്‍ലൈന്‍ പറഞ്ഞത്.

ഈ വര്‍ഷം നവംബര്‍ 30 മുതല്‍ റൊമാനിയന്‍ തലസ്ഥാനമായ ബുക്കാറസ്റ്റില്‍ നിന്നും, ഡിസംബര്‍ ഒന്ന് മുതല്‍ ഹംഗറി തലസ്ഥാനമായ ബുഡാപെസ്റ്റില്‍ നിന്നും, ഡിസംബര്‍ 14 ന് സൈപ്രസ് നഗരമായ ലാര്‍നാക്കയില്‍ നിന്നും അബൂദബിയിലേക്ക് സര്‍വിസ് നടത്താന്‍ ലിസ്റ്റ് ചെയ്തിട്ടുണ്ട്. 'അബൂദബിയിലേക്കുള്ള വിമാനങ്ങള്‍ക്ക് ഓണ്‍ലൈനില്‍ കണ്ടെത്താന്‍ കഴിയുന്ന ഏറ്റവും വില കുറഞ്ഞ ഡീലുകളില്‍ ചിലതാണിതെന്നും എയര്‍ലൈന്‍ അതിന്റെ വെബ്‌സൈറ്റില്‍ വ്യക്തമാക്കി.

ALSO READ: അബൂദബിയില്‍ ഉണ്ടായിരുന്ന കുടുംബത്തെ നാട്ടിലേക്ക് യാത്രയാക്കി റൂമില്‍ മടങ്ങിയെത്തിയ മലയാളി പ്രവാസി യുവാവ് കുഴഞ്ഞുവീണു മരിച്ചു

Budget airline Wizz Air is relaunching its Abu Dhabi–Larnaca route from 15 November 2025, offering four weekly flights with fares starting around AED 100. It’s a big win for UAE travellers craving affordable European escapes without breaking the family budget.