ദോഹ: ഖത്തറില്‍ വെള്ളിയാഴ്ച പ്രവൃത്തി ദിവസം ആയിരിക്കുമെന്ന സമൂഹമാധ്യമങ്ങളിലും മറ്റും പ്രചരിക്കും വാര്‍ത്തകളിലും സന്ദേശങ്ങളിലും വ്യക്തത വരുത്തി അധികൃതര്‍. ഖത്തറില്‍ വെള്ളിയാഴ്ച പ്രവൃത്തി ദിവസമായിരിക്കുമെന്ന അഭ്യൂഹങ്ങള്‍ സിവില്‍ സര്‍വീസ് ബ്യൂറോ ആന്‍ഡ് ഗവണ്‍മെന്റ് ഡെവലപ്‌മെന്റ് (Civil Service Bureau and Government Development) പ്രസിഡന്റ് ഡോ. അബ്ദുല്‍ അസീസ് ബിന്‍ നാസര്‍ ബിന്‍ മുബാറക് അല്‍ ഖലീഫ നിഷേധിച്ചു. 

ഖത്തറില്‍ വെള്ളിയാഴ്ച പ്രവൃത്തി ദിവസമായിരിക്കുമെന്ന അഭ്യൂഹങ്ങള്‍ തള്ളിയ അദ്ദേഹം, ഇത്തരം വാര്‍ത്തകള്‍ തെറ്റാണെന്നും അങ്ങിനെ ഒരു നീക്കമില്ലെന്നും അറിയിച്ചു. നിലവിലെ വര്‍ക്ക് വീക്ക് ഘടനയില്‍ മാറ്റമില്ലെന്നും പ്രസിഡന്റ് സ്ഥിരീകരിച്ചു.  ഖത്തര്‍ ടിവിക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.

ഖത്തറില്‍ വെള്ളിയാഴ്ച പ്രവൃത്തി ദിവസമാക്കിയും ശനി, ഞായര്‍ എന്നിങ്ങനെ വാരാന്ത്യ സംവിധാനത്തിലേക്ക് മാറ്റുന്നതിനെക്കുറിച്ചും കഴിഞ്ഞ ആഴ്ചകളില്‍ സോഷ്യല്‍ മീഡിയയില്‍ കിംവദന്തികള്‍ പ്രചരിച്ച സാഹചര്യത്തില്‍ ആണ് സിവില്‍ സര്‍വീസ് ബ്യൂറോ വ്യക്തത വരുത്തിയത്.

 President of the Civil Service Bureau and Government Development, HE Dr. Abdulaziz bin Nasser bin Mubarak Al Khalifa, denied circulating rumors that Friday will be a working day during an interview with Qatar TV. “There is no truth to what is currently being circulated that Friday will be a working day, as we are working on finding the best ways and means for working,” said His Excellency.