പോർച്ചുഗീസ് ഇതിഹാസം ക്രിസ്റ്റ്യാനോ റൊണാൾഡോ നാല്പതാം വയസിലും പ്രായത്തെ വെല്ലുന്ന പോരാട്ടവീര്യമാണ് നടത്തിക്കൊണ്ടിരിക്കുന്നത്. ഇപ്പോൾ റൊണാൾഡോ ഫുട്ബോളിലെ ഭാവിയെക്കുറിച്ച് സംസാരിച്ചിരിക്കുകയാണ്. ഇനിയും കുറച്ചു വർഷം കൂടി കളിക്കാൻ താൻ ആഗ്രഹിക്കുന്നുവെന്നാണ് റൊണാൾഡോ പറഞ്ഞത്. ഇപ്പോൾ താൻ മികച്ച പ്രകടനം നടത്തുണ്ടെന്നും റൊണാൾഡോ പറഞ്ഞു. ഫാബ്രിസിയോ റൊമാനോയാണ് റൊണാൾഡോ ഇക്കാര്യം പറഞ്ഞതായി റിപ്പോർട്ട് ചെയ്തത്. 

''എനിക്ക് കുറച്ചു വർഷങ്ങൾ കൂടി കളിക്കാൻ ആഗ്രഹമുണ്ട്. ഇപ്പോഴും ഞാൻ ഫുട്ബോളിൽ മികച്ച കാര്യങ്ങളാണ് ചെയ്യുന്നത്. എന്റെ ക്ലബിനെയും ദേശീയ ടീമിനെയും ഞാൻ നന്നായി സഹായിക്കുന്നുണ്ട്. എന്തുകൊണ്ട് എനിക്ക് ഇത് തുടർന്നുകൂടാ?. ഞാൻ വിരമിക്കുമ്പോൾ സംതൃപ്തനായി മടങ്ങുമെന്നാണ് ഞാൻ ഉറച്ചു വിശ്വസിക്കുന്നത്. കാരണം ഞാൻ ടീമുകൾക്കായി എല്ലാം നൽകി'' റൊണാൾഡോ പറഞ്ഞു. 

നിലവിൽ സൗഊദി ക്ലബായ അൽ നസറിനാണ് താരം കളിക്കുന്നത്. 2023ലാണ് റൊണാൾഡോ യൂറോപ്പ്യൻ അധ്യായങ്ങൾക്ക് വിരാമമിട്ട് സഊദി പ്രൊ ലീഗ് ക്ലബായ അൽ നസറിലെത്തുന്നത്. റൊണാൾഡോയുടെ വരവോടെ സഊദി ലീഗിൽ വലിയ മാറ്റങ്ങളാണ് സംഭവിച്ചിട്ടുള്ളത്. റൊണാൾഡോയുടെ കടന്നുവരവോടെ സഊദി ഫുട്ബോളിന് ലോക ഫുട്ബോളിൽ കൃത്യമായ ഒരു മേൽവിലാസം സൃഷ്ടിച്ചെടുക്കാൻ സാധിച്ചിരുന്നു.

അടുത്തിടെ അൽ നസറിനൊപ്പമുള്ള കരാർ റൊണാൾഡോ പുതുക്കിയിരുന്നു. പുതിയ കരാർ പ്രകാരം റൊണാൾഡോ രണ്ടു വർഷം കൂടി സൗഊദിയിൽ കളിക്കും. പുതിയ കരാറിൽ റൊണാൾഡോയ്ക്ക് വർഷത്തിൽ 200 മില്യൺ ഡോളറാണ് ലഭിക്കുക. ആഴ്ചയിൽ 4.17 മില്യൺ ഡോളറും റൊണാൾഡോക്ക് ലഭിക്കും. ഇതിനുപുറമെ റൊണാൾഡോക്ക് 26.5 മില്യൺ ഡോളർ സൈനിങ്‌ ബോണസും 35.7 മില്യൺ ഡോളർ വിലമതിക്കുന്ന അൽ നസറിന്റെ 15 ശതമാനം ഉടമസ്ഥ അവകാശ ഓഹരിയും ലഭിക്കും.

റൊണാൾഡോക്ക് അൽ നസറിനൊപ്പം ഒരു മേജർ ട്രോഫി നേടാൻ സാധിച്ചിട്ടില്ല. 2023ലെ അറബ് ക്ലബ്ബ് ചാമ്പ്യൻസ് കപ്പ് മാത്രമാണ് റൊണാൾഡോക്ക് നേടാൻ സാധിച്ചത്. അതുകൊണ്ട് തന്നെ പുതിയ കരാർ പ്രകാരം അടുത്ത രണ്ട് വർഷത്തേക്ക് കൂടി സഊദിയിൽ കളിച്ചുകൊണ്ട് തനിക്ക് നേടാൻ സാധിക്കാത്ത കിരീടങ്ങൾ എല്ലാം നേടാനായിരിക്കും റൊണാൾഡോ ലക്ഷ്യം വെക്കുക. 

Portuguese legend Cristiano Ronaldo is still fighting for his age at the age of 40. Now Ronaldo has spoken about his future in football. Ronaldo said that he wants to play for a few more years.