ഇന്ത്യൻ ടി-20 ഓപ്പണർ അഭിഷേക് ശർമക്ക് ടെസ്റ്റ് ക്രിക്കറ്റിലും കളിക്കാൻ ആഗ്രഹമുണ്ടെന്ന് തുറന്ന് പറഞ്ഞിരിക്കുകയാണ് വെസ്റ്റ് ഇൻഡീസ് ഇതിഹാസം ബ്രയാൻ ലാറ. ടെസ്റ്റ് ഫോർമാറ്റിൽ കളിക്കുക എങ്ങനെയാണെന്നതിനെക്കുറിച്ച് അഭിഷേക് ശർമ്മ തന്നോട് സംസാരിക്കാറുണ്ടെന്നും വിൻഡീസ് ഇതിഹാസം പറഞ്ഞു. 

''സൺറൈസേഴ്‌സ് ഹൈദരാബാദിൽ ഉള്ള കാലഘട്ടത്തിൽ അഭിഷേകിനെ എനിക്കറിയാം. അവൻ അത്ഭുതകരമായ താരമാണ്. യുവരാജിന് അവനിൽ വലിയ സ്വാധീനമുണ്ടെന്ന് ഞാൻ കരുതുന്നു. അവന്റെ ബാറ്റിന്റെ വേഗതയും ഷോട്ടുകൾ കളിക്കുന്ന രീതിയും നോക്കിയാൽ മതി. ടെസ്റ്റ് ക്രിക്കറ്റിനെക്കുറിച്ചും ഈ ഫോർമാറ്റിൽ എങ്ങനെയാണ് കളിക്കുകയെന്നതിനെക്കുറിച്ചും അവൻ എന്നോട് സംസാരിക്കുമായിരുന്നു. ടെസ്റ്റ് ഫോർമാറ്റിൽ കളിക്കാൻ അദ്ദേഹത്തിന് താത്പര്യമുണ്ട്. വർഷങ്ങൾക്കുള്ളിൽ അവനിലുണ്ടായ പുരോഗതി വളരെ സന്തോഷം നൽകുന്നതാണ്. എല്ലാ ഫോർമാറ്റിലും കളിക്കാൻ അദ്ദേഹത്തിന് അതിയായ ആഗ്രഹമുണ്ട്'' ലാറ പറഞ്ഞു. 

അടുത്തിടെ അവസാനിച്ച ഏഷ്യ കപ്പിൽ ഇന്ത്യക്കായി മിന്നും പ്രകടനമായിരുന്നു അഭിഷേക് ശർമ്മ നടത്തിയത്. ഏഴ് മത്സരങ്ങളിൽ നിന്നും 314 റൺസ് ആണ് അഭിഷേക് ശർമ തന്റെ ബാറ്റിൽ നിന്നും അടിച്ചെടുത്തത്. മൂന്ന് ഫിഫ്റ്റിയും താരം സ്വന്തമാക്കിയിട്ടുണ്ട്.  ടൂർണമെന്റിൽ 300 റൺസ് നേടിയതോടെ ടി-20 ഫോർമാറ്റിൽ നടക്കുന്ന ഏഷ്യ കപ്പിൽ ഒരു എഡിഷനിൽ ഏറ്റവും കൂടുതൽ റൺസ് നേടുന്ന താരമായും അഭിഷേക് ശർമ്മ മാറിയിരുന്നു.

ഇതാദ്യമായാണ് ടി-20 ഫോർമാറ്റിൽ നടക്കുന്ന ഏഷ്യ കപ്പിന്റെ ഒരു താരം 300+ സ്കോർ കടത്തുന്നത്. പാകിസ്താൻ താരം മുഹമ്മദ് റിസ്‌വാന്റെ പേരിലാണ് ഇതിനു മുമ്പ് ഈ നേട്ടം ഉണ്ടായിരുന്നത്. 2022 ടൂർണമെന്റിൽ ആറ് മത്സരങ്ങളിൽ നിന്നും 281 റൺസായിരുന്നു താരം നേടിയിരുന്നത്. 

ഏഷ്യ കപ്പിലെ മിന്നും പ്രകടനങ്ങൾക്ക് പിന്നാലെ ഐസിസി ടി-20 റാങ്കിങ്ങിലും മികച്ച മുന്നേറ്റം അഭിഷേക് ശർമ്മ നടത്തിയിരുന്നു. ഐസിസി ടി-20 റാങ്കിങ്ങിൽ നിലവിൽ ഒന്നാം സ്ഥാനത്താണ് താരം. 931 പോയിന്റ് സ്വന്തമാക്കിയാണ് അഭിഷേക് ശർമ്മ ഒന്നാണ് സ്ഥാനത്തെത്തിയത്. ഐസിസി ടി-20 റാങ്കിങ്ങിൽ ഒരു താരം നേടുന്ന ഏറ്റവും ഉയർന്ന പോയിന്റാണിത്. 

West Indies legend Brian Lara has revealed that Indian T20 opener Abhishek Sharma wants to play Test cricket as well. The West Indies legend also said that Abhishek Sharma often talks to him about what it's like to play in the Test format.