ആലപ്പുഴ: ശാസ്ത്രവും ടെക്‌നോളജിയും ജീവിതത്തിലെ ഭൗതിക സാഹചര്യങ്ങളില്‍ വലിയ മാറ്റം വരുത്തിയെങ്കിലും മനുഷ്യമനസുകളെ നന്മയിലേയ്ക്ക് നയിക്കുവാനും മാനവികത വളര്‍ത്തുവാനും മൂല്യാധിഷ്ഠിത വിദ്യാഭ്യാസത്തിലൂടെ മാത്രമേ കഴിയുകയുള്ളൂവെന്ന് കെ.സി. വേണുഗോപാല്‍ എം.പി. പറഞ്ഞു. എം.ഇ.എസ് പുന്നപ്ര സ്‌കൂളില്‍ മികവ്-2016 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഉന്നത നിലവാരത്തിലുള്ള വിദ്യാഭ്യാസം സാധാരണക്കാരിലെത്തിക്കുന്ന എം.ഇ.എസിന്റെ പ്രവര്‍ത്തനം വളരെ വലുതാണ്. എം.ഇ.എസ്. താലൂക്ക് പ്രസിഡന്റ് ഡോ. ഫിറോസ് മുഹമ്മദ് അധ്യക്ഷതവഹിച്ചു.
സംസ്ഥാന വൈസ് പ്രസിഡന്റ് എ. ഹബീബ് മുഹമ്മദ്, ജില്ലാ പ്രസിഡന്റ് മുഹമ്മദ് ഷെഫീഖ്, ഇ. അബ്ദുല്‍ അസീസ്, സി.എ. സലീം, തൈക്കല്‍ സത്താര്‍, എം.എസ്. നൗഷാദ് അലി, കെ. ഹക്കിം, ഫൈസല്‍ ഷംസുദ്ദീന്‍ തുടങ്ങിയവര്‍ സംസാരിച്ചു.