പോർച്ചുഗീസ് ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോ തന്റെ അസാധാരണമായ ബുദ്ധിശക്തിയും കർശനമായ ദിനചര്യയും എങ്ങനെ എല്ലാം പരമാവധി പ്രയോജനപ്പെടുത്താൻ ഉപയോഗിച്ചുവെന്ന് വെളിപ്പെടുത്തുന്ന ഒരു കഥ മുൻ യുവന്റസ് സിഇഒ ബെപ്പെ മറോട്ട പങ്കുവെച്ചു. റൊണാൾഡോ മറ്റ് കളിക്കാരിൽ നിന്ന് വ്യത്യസ്തനാണെന്നും അദ്ദേഹത്തിന്റെ ചിന്താശേഷിയും കളിയോടുള്ള സമീപനവുമാണ് താരത്തെ മികവുറ്റ കളിക്കാരനാക്കുന്നതെന്നും മറോട്ട വ്യക്തമാക്കി.

2018-ൽ റയൽ മാഡ്രിഡിൽ നിന്ന് 100 മില്യൺ യൂറോ മുടക്കി യുവന്റസ് റൊണാൾഡോയെ സ്വന്തമാക്കി. ഇറ്റാലിയൻ ക്ലബ്ബിനൊപ്പം 134 മത്സരങ്ങളിൽ നിന്ന് 101 ഗോളുകളും 28 അസിസ്റ്റുകളും നേടിയ റൊണാൾഡോ, നിരവധി ട്രോഫികൾ സ്വന്തമാക്കി. 2021-ൽ അദ്ദേഹം യുവന്റസ് വിട്ട് മാഞ്ചസ്റ്റർ യുണൈറ്റഡിലേക്ക് മടങ്ങി.

2018 ഒക്ടോബറിൽ യുവന്റസ് വിട്ട മറോട്ട, അടുത്തിടെ ഒരു പരിപാടിയിൽ (h/t Tuttomercatoweb) റൊണാൾഡോയെക്കുറിച്ച് സംസാരിക്കവെ പറഞ്ഞു:
"അവൻ മറ്റുള്ളവരിൽ നിന്ന് തികച്ചും വ്യത്യസ്തനാണ്, അതിൽ കൂടുതൽ പറയാനില്ല."
അദ്ദേഹം ഒരു രസകരമായ സംഭവം പങ്കുവെച്ചുകൊണ്ട് കൂട്ടിച്ചേർത്തു:
"ഒരിക്കൽ ഞങ്ങൾ ഒരു പരിശീലന ക്യാമ്പിൽ പോയപ്പോൾ, മേശപ്പുറത്ത് ഒരു കുപ്പി മിനറൽ വാട്ടർ കണ്ടു. റൊണാൾഡോ അത് എടുത്ത്, കുപ്പിയിലെ ചേരുവകൾ ഓരോന്നായി വിശകലനം ചെയ്തു. തുടർന്ന് അവൻ ഡോക്ടർമാരെ വിളിച്ച്, എന്തുകൊണ്ടാണ് ഓരോ ചേരുവയും അങ്ങനെ ഉപയോഗിച്ചതെന്ന് ചോദിച്ചു. അവൻ കളിക്കളത്തിൽ തുടരുന്നിടത്തോളം, എല്ലാം പരമാവധി പ്രയോജനപ്പെടുത്താൻ തന്റെ ബുദ്ധി ഉപയോഗിക്കുന്നു. അതാണ് അവന്റെ വിജയത്തിന്റെ രഹസ്യം."

40-ാം വയസ്സിലും ക്രിസ്റ്റ്യാനോ റൊണാൾഡോ തന്റെ കർശനമായ ഫിറ്റ്നസ് ദിനചര്യയ്ക്കും,ജീവിതരീതിക്കും പേര് കേട്ടവനാണ്. സഊദി ക്ലബ്ബായ അൽ-നാസറിനും പോർച്ചുഗൽ ദേശീയ ടീമിനും വേണ്ടി താരം ഇപ്പോഴും മിന്നും പ്രകടനം കാഴ്ചവെക്കുന്നു. റൊണാൾഡോയുടെ ഈ പ്രതിബദ്ധതയും ബുദ്ധിശക്തിയുമാണ് അവനെ ഫുട്ബോൾ ലോകത്തെ എക്കാലത്തെയും മികച്ച കളിക്കാരിൽ ഒരാളാക്കി മാറ്റുന്നത്.