തൃക്കുന്നപ്പുഴ: ഹജ്ജ് മാനവമൈത്രിയുടെ മനുഷ്യസംഗമം എന്ന പ്രമേയത്തില്‍ എസ്.കെ.എസ്.എസ്.എഫ് പതിയാങ്കര യൂണിറ്റ് സംഘടിപ്പിക്കുന്ന സംഗമം നാളെ പാണക്കാട് മുഹമ്മദലി ശിഹാബ് തങ്ങള്‍ നഗറില്‍ നടക്കും. വൈകിട്ട് നാല് മണിക്ക് വിദ്യാര്‍ഥി ഫെസ്റ്റ് യു.അബ്ദുല്‍ വാഹിദ് ദാരിമി ഉദ്ഘാടനം ചെയ്യും.  ഷൗക്കത്ത് അസ്‌ലമി അദ്ധ്യക്ഷത വഹിക്കും. വൈകിട്ട് ഏഴിന് നടക്കുന്ന മാനവമൈത്രീ സംഗമം സയ്യിദ് ഹബീബുല്ലാഹ് തങ്ങള്‍ ഐദ്‌റൂസി മലപ്പുറം ഉദ്ഘാടനം ചെയ്യും. ടി.കെ ദേവകുമാര്‍, അഡ്വ.എം.ലിജു, സി.ശ്യംസുന്ദര്‍ എന്നിവര്‍ മൈത്രീ സന്ദേശം നല്‍കും. ഇസ്‌ലാമിക് സെന്റ്‌റര്‍ പ്രസിഡന്റ്‌റ്  മാന്നാര്‍ ഇസ്മായില്‍ കുഞ്ഞ് ഹാജി മുഖ്യഥിതിയാകും.
  ഷാനവാസ് മന്നാനി പതിയാങ്കര മുഖ്യപ്രഭാഷണം നടത്തും. മദ്രസാ പൊതു പരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്ക് പതിയാങ്കര ജമാഅത്ത് പ്രസിഡന്റ്‌റ് എം.എ ലത്തീഫ് അവാര്‍ഡ് നല്‍കും. ആലോചനാ യോഗത്തില്‍ യൂണിറ്റ് പ്രസിഡന്റ്‌റ് ഉവൈസ് പതിയാങ്കര അദ്ധ്യക്ഷത വഹിച്ചു. ആദില്‍ ആറാട്ടുപുഴ ഉദ്ഘാടനം ചെയ്തു. അനസ് ലത്തീഫ് , നിഷാദ് , സംറൂദ്,മാഹീന്‍ ,ഫൈസല്‍, അന്‍സര്‍, ഫൈസല്‍, അന്‍വര്‍ സംസാരിച്ചു. മുബാറക് കണ്ടലേഴത്ത് സ്വാഗതവും അല്‍ത്താഫ് നന്ദിയും പറഞ്ഞു.