ദുബൈ: പണമില്ലാത്തതിന്റെ പേരില്‍ ദുബൈയില്‍ പട്ടിണി കിടക്കേണ്ടിവരില്ല. അത്തരക്കാര്‍ക്കായി ദുബൈയിലെ മിര്‍ദിഫിന്റെ ഹൃദയത്തിലുള്ള ഈ ഭക്ഷണശാലയില്‍ വന്ന് ഫ്രീയായി വയറു നിറയെ ഭക്ഷണം കഴിക്കാം. 2021 മുതല്‍ ഇവിടെ സൗജന്യം ഭക്ഷണ വിതരണം ഉണ്ട്. ജോര്‍ദാനിയന്‍ പ്രവാസിയുടെ ഉടമസ്ഥതയിലുള്ള അല്‍ അഫാന്‍ദി മീറ്റ് ഷോപ്പും അതിനോട് ചേര്‍ന്നുള്ള റസ്റ്റൊറന്റുമാണ് വിശക്കുന്നവര്‍ക്ക് സൗജന്യ ഭക്ഷണമൊരുക്കുന്നത്. ആരാണെന്നോ എവിടെ നിന്നാണ് വരുന്നതെന്നോ പരിഗണിക്കാതെ ആരും പട്ടിണി കിടന്ന് നടക്കുന്നില്ലെന്ന് ഉറപ്പാക്കുകയാണ് ജോര്‍ദാന്‍ പ്രവാസി.

യുഎഇയോടുള്ള ഹൃദയംഗമമായ അഭിനന്ദന പ്രകടനമായാണ് ഈ ആശയം ആരംഭിച്ചതെന്ന് റെസ്റ്റോറന്റിലെ കാഷ്യര്‍ മുസ്തഫ അലി പറഞ്ഞു. ഞങ്ങള്‍ ഇവിടെ അനുഭവിക്കുന്ന സുരക്ഷയ്ക്കും മനുഷ്യത്വത്തിനും യുഎഇയോടുള്ള നന്ദിയാണിത്. ഈ രാജ്യത്തെ മനുഷ്യത്വമാണ് ഞങ്ങള്‍ക്ക് തുടരാനുള്ള പ്രധാന പ്രചോദനമെന്നും അദ്ദേഹം പറഞ്ഞു.

എമിറേറ്റ്‌സിലെ ജീവിതത്തെ നിര്‍വചിക്കുന്ന ഉദാരതയുടെയും സഹിഷ്ണുതയുടെയും മൂല്യങ്ങളില്‍ നിന്ന് പ്രചോദനം ഉള്‍ക്കൊണ്ട്, അദ്ദേഹത്തെയും കുടുംബത്തെയും സ്വാഗതം ചെയ്ത സമൂഹത്തിന് തിരികെ നല്‍കാനുള്ള ഒരു മാര്‍ഗമായി ഈ സംരംഭം മാറിയെന്നും മുസ്തഫ വിശദീകരിച്ചു.

 

 

ബുദ്ധിമുട്ടുന്ന ആര്‍ക്കും മിര്‍ദിഫിലെ ഞങ്ങളുടെ റെസ്റ്റോറന്റില്‍ വരാം. ഞങ്ങള്‍ അവര്‍ക്ക് സൗജന്യ ഭക്ഷണം നല്‍കും. ആവശ്യമുള്ള ആളുകള്‍ക്ക് അവരുടെ ദേശീയതയോ പശ്ചാത്തലമോ പരിഗണിക്കാതെ ഞങ്ങള്‍ ഈ സേവനം വാഗ്ദാനം ചെയ്യുന്നു. അത്തരം ആളുകള്‍ക്ക് മുമ്പില്‍ ഞങ്ങള്‍ ഒരു നിബന്ധനയും വയ്ക്കുന്നില്ല. ഭക്ഷണം ആവശ്യമുള്ള ആര്‍ക്കും സ്വാഗതം. ഉടമസ്ഥനെ സംബന്ധിച്ചിടത്തോളം ഔദാര്യം ബിസിനസിന്റെ ഒരു തത്വം കൂടിയാണ്. ഇത് വിശ്വാസത്തിന്റെ കൂടി ഭാഗമാണ്- അദ്ദേഹം കൂട്ടിച്ചേര്‍ത്തു.

'നിങ്ങള്‍ക്ക് ഭക്ഷണം വാങ്ങാന്‍ കഴിയുന്നില്ലെങ്കില്‍, അത് സൗജന്യമായി ഓര്‍ഡര്‍ ചെയ്യുക, അത് അല്ലാഹുവില്‍ നിന്നുള്ള ഒരു സമ്മാനമാണ്'- എന്ന് കടയ്ക്ക് പുറത്ത് ലളിതമായ ഭാഷയിലുള്ള സന്ദേശം കാണാം.

ALSO READ: ദുബൈയില്‍നിന്ന് ഡല്‍ഹിയിലേക്കുള്ള സ്‌പൈസ് ജെറ്റ് വിമാനം ലാന്‍ഡ് ചെയ്തത് ലഗേജില്ലാതെ; കമ്പനിക്കെതിരേ കരിപ്പൂരിലേതടക്കം 24 മണിക്കൂറിനുള്ളില്‍ മൂന്ന് പരാതികള്‍ | SpiceJet

In the heart of Dubai’s Mirdif community, kindness has found a home in an unexpected place — a small butcher shop and grill that has been quietly serving free meals to anyone in need for the past four years. Since opening its doors in 2021, Al Afandi Butchery and Grills, owned by a Jordanian expatriate, has embraced a simple but powerful mission: to ensure no one walks away hungry, regardless of who they are or where they come from.