തിരുവനന്തപുരം: കേരള സര്‍വകലാശാലയില്‍ ഓണാഘോഷത്തിന് നിയന്ത്രണം ഏര്‍പ്പെടുത്തിക്കൊണ്ട് വൈസ് ചാസലര്‍ സര്‍ക്കുലര്‍ ഇറക്കി. സര്‍വകലാശായുടെ പ്രവര്‍ത്തന സമയത്ത് ആഘോഷം പാടില്ലെന്നും സര്‍വകലാശാല ഓഫീസ് കെട്ടിടത്തിലോ കാര്യവട്ടത്തെയോ യൂനിവേഴ്‌സിറ്റി കോളജിലെയോ ക്‌ളാസ് മുറികളില്‍ ഓണസദ്യ പാടില്ലെന്നും സര്‍ക്കുലറില്‍ പറയുന്നു. ആഘോഷം  ഉച്ചയൂണ് സമയത്ത് പ്രത്യേക അനുമതി വാങ്ങി നടത്തണമെന്നും നിര്‍ദേശമുണ്ട്. ഇതിന്റെ അടിസ്ഥാനത്തില്‍ കേരള സര്‍വകലാശാല എംപ്‌ളോയീസ് യൂനിയന്‍ വൈസ് ചാന്‍സലറുടെ പ്രത്യേകഅനുമതി വാങ്ങി ഓണസദ്യ നടത്തി. ഓണത്തിന് ഒരാള്‍ക്കുണ്ടായ ബുദ്ധിമുട്ട് പരാതിയായി ലഭിച്ചതിന്റെ അടിസ്ഥാനത്തിലാണ് നിയന്ത്രണം ഏര്‍പ്പെടുത്തിയതെന്നാണ് സര്‍വകലാശാല അധികൃതര്‍ പറയുന്നത്.