ദുബൈ: ഷോപ്പിംഗ് മാളിലെ കളിസ്ഥലത്ത് വെച്ച് രണ്ടുവയസ്സുള്ള ആൺകുട്ടിയെ ആക്രമിച്ച സംഭവത്തിൽ യൂറോപ്യൻ പൗരന് 1000 ദിർഹം പിഴ ചുമത്തി ദുബൈ കോടതി. കഴിഞ്ഞ വർഷം ഒക്ടോബറിലാണ് വിധിക്ക് ആസ്പദമായ സംഭവം നടന്നത്. സംഭവത്തിൽ പരാതി നൽകിയ വ്യക്തിയുടെ മകനെ പ്രതി അടിച്ചുവെന്നാണ് ആരോപണം.

ALSO READ: ഷാർജ ബുക്ക് ഫെയർ നവംബർ 5 മുതൽ 16 വരെ; സന്ദർശകരെ കാത്തിരിക്കുന്നത് നിരവധി പുത്തൻ ആകർഷണങ്ങൾ 

അൽഖലീജ് അറബിക് ദിനപത്രത്തിന്റെ റിപ്പോർട്ട് അനുസരിച്ച്, കുട്ടിയും പ്രതിയുടെ മകളും തമ്മിലുള്ള തർക്കത്തിനിടെ 60 വയസ്സുള്ള യൂറോപ്യൻ പൗരൻ കുട്ടിയെ അടിക്കുകയായിരുന്നുവെന്ന് പരാതിക്കാരൻ ആരോപിക്കുന്നു. കുട്ടിയുടെ കരച്ചിൽ കേട്ട് കളിസ്ഥലത്തേക്ക് ഓടിയെത്തിയ പിതാവ് പ്രതി കുട്ടിക്ക് നേരേ വിരൽ ചൂണ്ടി നിൽക്കുന്നതാണ് കണ്ടത്. 

"തന്റെ മകളിൽ നിന്ന് കുട്ടിയെ മാറ്റാൻ മാത്രമാണ് ഞാൻ ശ്രമിച്ചത്. മകളെ കുട്ടി പലതവണ ശല്യപ്പെടുത്തിയിരുന്നു. ഏതെങ്കിലും തരത്തിലുള്ള സമ്പർക്കം ഉണ്ടായിട്ടുണ്ടെങ്കിൽ അത് ആകസ്മികമായിരുന്നു," പ്രതി കുറ്റം നിഷേധിക്കുകയും പിന്നീട് പരാതിക്കാരൻ തന്നെ ആക്രമിച്ചുവെന്നും ആരോപിക്കുകയും ചെയ്തു.

ALSO READ: ദുബൈ ബസ് ഓൺ ഡിമാൻഡ്; എവിടെയെല്ലാം സേവനം ലഭിക്കും, സമയക്രമം, നിരക്ക് തുടങ്ങിയ വിവരങ്ങൾ; കൂടുതലറിയാം 

മെഡിക്കൽ റിപ്പോർട്ടിൽ കാര്യമായ പരുക്കുകളൊന്നും കണ്ടെത്തിയില്ലെങ്കിലും, "ശരീരത്തിലെ മുറിവ്, ചതവ് പോലുള്ള അടയാളങ്ങളുടെ അഭാവം കുറ്റകൃത്യത്തെ നിഷേധിക്കുന്നില്ല" എന്ന് കോടതി നിരീക്ഷിച്ചു. കുട്ടിയെ തല്ലിയ പ്രവൃത്തി മനഃപൂർവവും സ്വതന്ത്ര ഇച്ഛാശക്തിയോടെയുമായിരുന്നതിനാൽ അത് ആക്രമണമായി കണക്കാക്കാമെന്നും പ്രതി നിയമപ്രകാരം ശിക്ഷക്ക് അർഹമാണെന്നും വിധിന്യായത്തിൽ സ്ഥിരീകരിച്ചു.